ജിദ്ദ: സൈൻ ജിദ്ദ ചാപ്റ്റര് ആഭിമുഖ്യത്തിൽ ‘പ്രവാസി; നിലപാടും നിര്ദേശങ്ങളും’ എന്ന പേരില് വെള്ളിയാഴ്ച സീസൺ സ് റസ്റ്റൊറൻറിൽ ടോക്ഷോ സംഘടിപ്പിക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. വൈകിട്ട് ഏഴിനാ ണ് പരിപാടി. ക്ഷണിക്കപ്പെട്ട അതിഥികൾക്ക് പുറമെ സൈൻ എക്സിക്യൂട്ടിവ് ഡയറക്ടർ റാഷിദ് ഗസ്സാലി സംബന്ധിക്കും.
നവോദയ, ഒ.െഎ.സി.സി, കെ.എം.സി.സി, ന്യൂ ഏജ് സംഘടന പ്രതിനിധികളും സംരംഭക പ്രമുഖർ, പ്രവാസി സംഘടന പ്രതിനിധികൾ, സാമൂഹ്യനിരീക്ഷകർ എന്നിവരും പെങ്കടുക്കും. ചര്ച്ചയില് നിന്നുള്ള പ്രധാന നിര്ദേശങ്ങളും നിരീക്ഷണങ്ങളും ക്രോഡീകരിച്ച് വിവിധ രാഷ്ട്രീയ പാര്ട്ടി പ്രതിനിധികള്ക്കും പ്രവാസി സംഘടനകള്ക്കും തെരഞ്ഞെടുപ്പ് കാലങ്ങളില് സ്ഥാനാർഥികള്ക്കും പൊതു ജനങ്ങള്ക്ക് മുമ്പിലും സമര്പ്പിക്കും.
പ്രവാസികൾ നേരിടുന്ന പ്രശ്നങ്ങളെ സമഗ്രമായി അവതരിപ്പിക്കുന്ന രേഖ സർക്കാറിനും ജനപ്രതിനിധികൾക്കും മുന്നിൽ എത്തിക്കുകയാണ് ലക്ഷ്യം. പരദേവനങ്ങൾ പറയുകയല്ലാെത വിഷയത്തെ ആഴത്തിൽ മനസിലാക്കാൻ സർക്കാറിനും ഉദ്യോഗസ്ഥർക്കും മുന്നിൽ രേഖകളില്ലെന്നാണ് മനസിലായതെന്ന് സൈൻ ഭാരവാഹികൾ പറഞ്ഞു. ഇൗ സാഹചര്യത്തിലാണ് ഇത്തരമൊരു പരിപാടി സംഘടിപ്പിക്കുന്നത്്. വാർത്താസമ്മേളനത്തിൽ നാസർ വെളിയങ്കോട്, ഉമ്മർ കോയ, ഷാനവാസ് മാസ്റ്റർ, ഹിഫ്സു റഹ്മാൻ, എൻ.എം ജമാലുദ്ദീൻ, കെ.എം ഇർഷാദ്, സാബിത് വയനാട് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.