ജിദ്ദ: ജിദ്ദയിൽനിന്ന് വിശുദ്ധ ഹജ്ജ് കർമം നിർവഹിക്കാൻ പോവുന്ന മലയാളികളായ ആഭ്യ ന്തര ഹജ്ജ് തീർഥാടകർക്ക് വേണ്ടി ജിദ്ദ കൊണ്ടോട്ടി മണ്ഡലം കെ.എം.സി.സി ഹജ്ജ് പഠന ക്ലാസ് സംഘടിപ്പിച്ചു. സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര ഉദ്ഘാടനം ചെയ്തു. ഹജ്ജുമായി ബന്ധപ്പെട്ടു ശ്രദ്ധിക്കേണ്ട വിഷയത്തിൽ അബൂബക്കർ ദാരിമി ആലമ്പാടിയും, ഹജ്ജിെൻറ ആത്മീയത എന്ന വിഷയത്തിൽ മുസ്തഫ ബാഖവി ഊരകവും ക്ലാസെടുത്തു. സംശയങ്ങൾക്ക് മുസ്തഫ ഫൈസി ചേറൂർ മറുപടി നൽകി. കൊണ്ടോട്ടി മണ്ഡലം കെ.എം.സി.സി പ്രസിഡൻറ് നാസർ ഒളവട്ടൂർ അധ്യക്ഷത വഹിച്ചു. സെൻട്രൽ കമ്മിറ്റി ഭാരവാഹികളായ ഇസ്മായിൽ മുണ്ടക്കുളം, നാസർ മച്ചിങ്ങൽ, ജില്ല കമ്മറ്റി ചെയർമാൻ പി.വി ഹസ്സൻ സിദ്ദീഖ് ബാവു, റിയാദ് കൊണ്ടോട്ടി മണ്ഡലം കെ.എം.സി.സി ട്രഷറർ ഗഫൂർ കൊണ്ടോട്ടി, മണ്ഡലം ചെയർമാൻ എം.കെ നൗഷാദ്, ലത്തീഫ് പൊന്നാട് തുടങ്ങിയവർ സംസാരിച്ചു.
മണ്ഡലം ജനറൽ സെക്രട്ടറി അബ്ദുൽ റഹ്മാൻ അയക്കോടൻ സ്വാഗതവും കുഞ്ഞി മുഹമ്മദ് ഒളവട്ടൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.