റിയാദ്: അൽഖർജിൽ നിന്ന് ഉംറ നിർവഹിക്കാൻ മക്കയിലെത്തിയ മലയാളി ഹൃദയാഘാതം മൂലം മരിച്ചു. മലപ്പുറം തവന്നൂർ മറവഞ്ച േരി സ്വദേശിയും കെ.എം.സി.സി നേതാവുമായ വടക്കത്ത് വളപ്പിൽ അബൂബക്കറാണ് ഉംറ നിർവഹിക്കുന്നതിനിടെ മരിച്ചത്. 30 വർഷമായി അൽ-ഖർജിൽ ജോലി ചെയ്യുന്ന ഇദ്ദേഹം അൽ-ഖർജ് കെ.എം.സി.സിയുടെ മുൻ പ്രസിഡൻറും നിലവിൽ ഉപദേശക സമിതി ചെയർമാനുമാണ്. മൂന്ന് വർഷം മുമ്പാണ് അവസാനമായി നാട്ടിൽ പോയി വന്നത്. പുത്തൻ വീട്ടിൽ ഫാത്തിമയാണ് ഭാര്യ. ഖദീജ റാഹിബ, ആയിശ റസാന, റമീസ എന്നിവർ മക്കൾ. മൃതദേഹം മക്കയിൽ തന്നെ ഖബറടക്കുന്നതിനുള്ള നടപടി ക്രമങ്ങൾക്ക് കെ.എം.സി.സി മക്ക, അൽ-ഖർജ്, റിയാദ് എന്നിവിടങ്ങളിലെ ഭാരവാഹികൾ നേതൃത്വം നൽകുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.