ജിദ്ദ: സമസ്ത നടത്തുന്ന വിദ്യാഭ്യാസ ജീവകാരുണ്യ പ്രവർത്തനങ്ങളിൽ പ്രവാസികൾ നൽകുന്ന പിന്തുണ വലുതാണെന്ന് സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി പ്രഫ. ആലിക്കുട്ടി മുസ്ലിയാർ പറഞ്ഞു. ജിദ്ദ ഇസ്ലാമിക് സെൻററിൽ സമസ്ത നേതാക്കൾക്ക് നൽകിയ സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. കേന്ദ്ര മുശാവറ അംഗം എ.വി അബ്്ദുറഹ്മാൻ മുസ്ലിയാർ ഉദ്ഘാടനം ചെയ്തു. നാഷനൽ കമ്മിറ്റി പ്രസിഡൻറ് ഉബൈദുല്ല തങ്ങൾ മേലാറ്റൂർ അധ്യക്ഷത വഹിച്ചു. യോഗത്തിൽ വിദ്യാഭ്യാസ ബോർഡ് മാനേജർ കെ. മൊയീൻ കുട്ടി മാസ്റ്റർ, ഓമാനൂർ അബ്്ദുറഹ്മാൻ മൗലവി, അബൂബക്കർ ദാരിമി താമരശ്ശേരി, ആലംപാടി അബൂബക്കർ ദാരിമി, അൻവർ തങ്ങൾ, സവാദ് പേരാമ്പ്ര തുടങ്ങിയവർ സംസാരിച്ചു. എം.സി സുബൈർ ഹുദവി പട്ടാമ്പി സ്വാഗതവും നൗഷാദ് അൻവരി മോളൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.