ജിദ്ദ: ഫൈസലിയ സ്പാനിഷ് അക്കാദമി സ്റ്റേഡിയത്തിൽ നടന്ന റെഡ്സീ ക്ലബ് ബാഡ്മിൻറൻ ഡബിൾസ് ചാമ്പ്യൻഷിപ്പിെൻറ ഫൈനൽ മത്സരത്തിൽ എം.പി ഫസലുറഹ്മാൻ, ഇ.പി റിയാസ് സഖ്യം ഒന്നിനെതിരെ രണ്ട് സെറ്റുകൾക്ക് പാഷ അസ്കർ സഖ്യത്തെ തോൽപിച്ച് ചാമ്പ്യൻമാരായി. ഇരു ടീമുകളും ഇഞ്ചോടിഞ്ച് പൊരുതിയ ആദ്യ സെറ്റ് 22-24ന് നഷ്്ടമായ ശേഷം ഉണർന്നു കളിച്ച ഫസൽ റിയാസ് ജോഡിയുടെ കൃത്യതയാർന്ന റിട്ടേണുകളും ഫസലുവിെൻറ തകർപ്പൻ സ്മാഷുകളുമായി 21-12 എന്ന സ്കോറിന് അനായാസം രണ്ടാമത്തെ സെറ്റും, തുടർന്ന് അതേ സ്കോറിന് എതിരാളികൾക്ക് ഒരു പഴുതും നൽകാതെ മൂന്നാം സെറ്റും നേടി ഗെയിം സ്വന്തമാക്കി. വിജയികൾക്ക് ക്ലബ് മാനേജർ ഷരീഫ് സമ്മാനദാനം നിർവഹിച്ചു. ഷാഫി, സെയ്ഫു എന്നിവർ മത്സരം നിയന്ത്രിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.