ഹഫർ അൽബാത്വിൻ: നാട്ടിൽ നിന്ന് 20 ദിവസം മുമ്പ് മാത്രം അവധി കഴിഞ്ഞെത്തിയ മലയാളി സൗദി അറേബ്യയിൽ മരിച്ചു. ആലപ്പുഴ മണ്ണഞ്ചേരി സ്വദേശി മച്ചുങ്കൽ വീട്ടിൽ പരേതരായ മുഹമ്മദ് കുഞ്ഞ് - അമ്മീൻബി ദമ്പതികളുടെ മകൻ അബ്ദുറഹ്മാൻ (62) ആണ് ഹൃദയാഘാതം മൂലം ഹഫർ അൽബാത്വിനിൽ മരിച്ചത്. ഹഫറിൽ നിന്നും 200 കിലോമീറ്റർ അകലെ സമൂദ എന്ന സ്ഥലത്തെ ഒരു ഹോട്ടലിൽ ജീവനക്കാരനായിരുന്നു ഇദ്ദേഹം.
ദേഹാസ്വാസ്ഥ്യം ഉണ്ടായതിനെത്തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 20 ദിവസം മുമ്പാണ് നാട്ടിൽ നിന്ന് അവധി കഴിഞ്ഞെത്തിയത്. ഹഫർ അൽബാത്വിൻ സെൻട്രൽ ആശുപത്രിയിൽ സൂക്ഷിച്ചിരിക്കുന്ന മൃതദേഹം ഖബറടക്കുന്നതിന് നിയമസഹായം നൽകുമെന്ന് ഇന്ത്യൻ സോഷ്യൽ ഫോറം പ്രവർത്തകരായ നൗഷാദ് കൊല്ലം, ഷിനുഖാൻ പന്തളം എന്നിവർ അറിയിച്ചു. ഭാര്യ: ആബിദ ബീവി, മക്കൾ: അൻസില, സഫിയത്ത്, സുമയ്യ, മുഹമ്മദ് അജ്മൽ.
പ്രവാസി സാംസ്ക്കാരിക വേദി ഹഫർ അൽബാത്വിൻ അനുശോചിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.