ജിദ്ദ: ഹൃദയാഘാതം മൂലം യുവാവ് ജിദ്ദയിൽ മരിച്ചു. മലപ്പുറം പാണ്ടിക്കാട് ചെമ്പ്രശ്ശേരി സ്വദേശി കൊറ്റങ്ങോടൻ ശബീറലി (മാനു-34) ആണ് മരിച്ചത്. ശ്വാസതടസ്സത്തെ തുടർന്ന് അഞ്ച് ദിവസങ്ങൾക്ക് മുമ്പ് ഈസ്റ്റ് ജിദ്ദ ആശുപത്രിയിൽ പ്രവേശിപ്പിച്ചതായിരുന്നു. ജിദ്ദ അൽ ജാമിഅയിൽ ഫഖീഹ ഫുഡ് ഷോപ്പിൽ സെയിൽസ്മാനായി ജോലി ചെയ്തുവരികയായിരുന്നു.
ജിദ്ദയിലെ സാമൂഹിക പ്രവർത്തകൻ നൗഷാദ് മമ്പാടിന്റെ സഹോദരിയുടെ മകളുടെ ഭർത്താവാണ്. പിതാവ്: പരേതനായ അബ്ദു റഹ്മാൻ, മാതാവ്: ഫാത്വിമ, ഭാര്യ: നിഷാന, മക്കൾ: ശബാൻ (ആറ്), ഹയ (4 മാസം). നടപടിക്രമങ്ങൾ പൂർത്തിയാക്കി ജിദ്ദയിൽ ഖബറടക്കുമെന്ന് നൗഷാദ് മമ്പാട് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.