സൗദി കേബ്ൾ കമ്പനി മലയാളി ജീവനക്കാരുടെ സൗഹൃദ കൂട്ടായ്മ ജിദ്ദയിൽ സംഘടിപ്പിച്ച വാർഷിക സംഗമത്തിൽനിന്ന്
ജിദ്ദ: സൗദി കേബ്ൾ കമ്പനിയിലെ മലയാളി ജീവനക്കാരുടെ സൗഹൃദ കൂട്ടായ്മ ജിദ്ദയിലെ ഹറാസാത്തിൽ വിപുലമായ പരിപാടികളോടെ വാർഷിക സംഗമം സംഘടിപ്പിച്ചു. കമ്പനിയുടെ വ്യത്യസ്ത ഡിവിഷനുകളിലുള്ള മലയാളികളെ ടീമുകളായി തിരിച്ച് ഗെയിമുകളും വ്യക്തിഗത മത്സരങ്ങളും നടന്നു.
ഇതോടനുബന്ധിച്ച് നടന്ന യോഗത്തിൽ പ്രസിഡൻറ് കൂടാട്ട് സിറാജ് അധ്യക്ഷത വഹിച്ചു. സെക്രട്ടറി റിയാസ് ബാബു വാർഷിക റിപ്പോർട്ട് അവതരിപ്പിച്ചു. ടി.പി. ഇഖ്ബാൽ മാസ്റ്റർ, മുഷ്താഖ് അഹമ്മദ്, വി.കെ. സുധീർ, പി. മുഹമ്മദ് ഇക്ബാൽ, കെ.കെ. മുസ്തഫ, പി.പി. സലാഹുദ്ദീൻ,
കെ. അബുൽ കരീം, സി.എച്ച്. അബ്ദുൽ ജലീൽ എന്നിവർ സംസാരിച്ചു. മത്സരവിജയികൾക്കുള്ള ട്രോഫികളും സമ്മാനങ്ങളും വി.ബി. മുഹമ്മദലി, കെ. നജീബ് തുടങ്ങിയവർ വിതരണം ചെയ്തു. ഗായകൻ സിറാജ് നിലമ്പൂരിന്റെ നേതൃത്വത്തിൽ കമ്പനിയിലെ കലാകാരന്മാർ കലാവിരുന്നൊരുക്കി.
പരിപാടികളുടെ സംഘാടനത്തിന് ട്രഷറർ ഷിജു ചാക്കോ, എക്സിക്യൂട്ടിവ് അംഗങ്ങളായ കെ. സമീർ, വി. ജലീൽ, പി. നിഷാദ്, വി.എസ്. സകരിയ്യ, സി.ടി. ഫസൽ, സി.ടി. ഹൈദർ, പി. അർഷദ് എന്നിവർ നേതൃത്വം നൽകി. അബ്ദുസത്താർ ബപ്പൻ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.