ജിദ്ദ: സൗദിയിൽ കോവിഡ് ബാധിച്ചവരിൽ നിലവിൽ 11,380 പേർ ചികിത്സയിലുണ്ട്. ഇവരിൽ 1409 പേർ ഗുരുതരാവസ്ഥയിലാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. ഇന്ന് 1,334 പുതിയ രോഗികളും 1,079 രോഗമുക്തിയും റിപ്പോർട്ട് ചെയ്തു. ഇതോടെ രാജ്യത്താകെ കോവിഡ് ബാധിച്ചവരുടെ എണ്ണം 5,22,108 ഉം രോഗമുക്തി നേടിയവരുടെ എണ്ണം 5,02,528 ഉം ആയി.
കഴിഞ്ഞ 24 മണിക്കൂറിനുള്ളിൽ 11 കോവിഡ് മരണങ്ങളാണ് സ്ഥിരീകരിച്ചത്. ഇതോടെ രാജ്യത്തെ ആകെ മരണം 8,200 ആയി. രാജ്യത്തെ കോവിഡ് മുക്തി നിരക്ക് 96.24 ശതമാനവും മരണനിരക്ക് 1.58 ശതമാനവുമാണ്.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: കിഴക്കൻ പ്രവിശ്യ 271, റിയാദ് 260, മക്ക 239, അസീർ 127, അൽ ഖസീം 86, ജീസാൻ 82, മദീന 67, ഹായിൽ 59, നജ്റാൻ 41, അൽബാഹ 33, വടക്കൻ അതിർത്തി മേഖല 32, തബൂക്ക് 25, അൽ ജൗഫ് 12. ഇതുവരെ രാജ്യത്ത് 2,55,26,563 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.