ജിദ്ദ: സൗദിയിൽ വീണ്ടും പുതിയ കോവിഡ് രോഗികളുടെ എണ്ണം കൂടുന്നു. ഇന്ന് 116 പുതിയ രോഗികളാണ് റിപ്പോർട്ട് ചെയ്തത്. നേരത്തെ ദിവസത്തിൽ 20 രോഗികൾ മാത്രമായി കുറഞ്ഞിരുന്നെങ്കിലും വീണ്ടും ദിനേനയുള്ള രോഗികളുടെ എണ്ണം കൂടി ഇന്ന് 100 നും മുകളിലെത്തിയിരിക്കുകയാണ്. ഇന്ന് 96 രോഗമുക്തിയും റിപ്പോർട്ട് ചെയ്തു.
ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 550,738 ഉം രോഗമുക്തരുടെ എണ്ണം 539,981 ഉം ആയി. പുതുതായി ഒരു മരണം കോവിഡ് മൂലമാണെന്ന് റിപ്പോർട്ട് ചെയ്തു. ഇതോടെ ആകെ മരണം 8,861 ആയി. 1896 പേർ നിലവിൽ ചികിത്സയിലുണ്ട്. ഇവരിൽ 34 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 48, ജിദ്ദ 18, മക്ക 11, ഹുഫൂഫ് 11, ദമ്മാം 6, അൽഖോബാർ 3, മദീന 2, ത്വാഇഫ് 2, യാംബു 2, മറ്റ് 13 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 48,303,865 ഡോസ് കോവിഡ് വാക്സിൻ വിതരണം ചെയ്തു. ഇതിൽ 24,848,865 ആദ്യ ഡോസും 22,899,626 രണ്ടാം ഡോസും 555,374 ബൂസ്റ്റർ ഡോസുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.