ഇസ്രായേൽ മന്ത്രിയുടെ ആണവാക്രമണ പ്രസ്​താവന തീവ്രവാദം -സൗദി അറേബ്യ

ജിദ്ദ: ഗസ്സയിൽ ആണവാക്രമണ സാധ്യതയുമായി ബന്ധപ്പെട്ട്​ ഇസ്രായേൽ ഗവൺമെൻറിലെ ഒരു മന്ത്രി നടത്തിയ തീവ്രവാദ പ്രസ്താവനകളെ സൗദി അറേബ്യ ശക്തമായ ഭാഷയിൽ അപലപിച്ചു. ഇസ്രായേൽ ഗവൺമെൻറിലെ അംഗങ്ങൾക്കിടയിൽ തീവ്രവാദത്തി​െൻറയും ക്രൂരതയുടെയും നുഴഞ്ഞുകയറ്റമാണ് പ്രസ്താവനകൾ കാണിക്കുന്നതെന്ന്​ വിദേശകാര്യ മന്ത്രാലയം പ്രസ്താവനയിൽ പറഞ്ഞു.

മന്ത്രിയെ ഉടൻ സർക്കാരിൽ നിന്ന്​ പിരിച്ചുവിടണം. പിരിച്ചുവിടുന്നതിന്​ പകരം ​മന്ത്രിസഭാംഗത്വം മരവിപ്പിക്കുന്നത് ഇസ്രായേൽ ഗവൺമെൻറി​െൻറ മാനുഷികവും ധാർമികവും മതപരവും നിയമപരവുമായ എല്ലാ മൂല്യങ്ങളോടുമുള്ള അവജ്ഞയുടെ പാരമ്യമാണെന്നും വിദേശകാര്യാലയം കുറ്റപ്പെടുത്തി.