റിയാദ്: സൗദി അറേബ്യയിലെ ഏഴ് പ്രധാന പ്രവിശ്യകളിൽ വരുംദിവസങ്ങളിലും ഇടിമിന്നലോടു കൂടിയ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. വടക്കൻ അതിർത്തി പ്രവിശ്യ, അൽ-ജൗഫ്, തബൂക്ക്, ഹാഇൽ, മദീന, മക്ക, അൽ ബാഹ എന്നീ പ്രദേശങ്ങളിലാണ് മഴ പെയ്യുന്നത്.
മഴയോടൊപ്പം തന്നെ ഈ മേഖലകളിൽ ശക്തമായ കാറ്റിനും പൊടിക്കാറ്റിനും സാധ്യതയുണ്ട്. ഇതിനുപുറമെ റിയാദ്, അൽ-ഖസീം പ്രവിശ്യകളുടെ ചില ഭാഗങ്ങളിലും കാറ്റും പൊടിയും ദൃശ്യപരതയെ ബാധിച്ചേക്കാം.
കിഴക്കൻ പ്രവിശ്യയുടെ ചില ഭാഗങ്ങളിലും രാജ്യത്തിന്റെ തെക്കുപടിഞ്ഞാറൻ മലനിരകളിലും മഞ്ഞു വീഴ്ചയുണ്ടാകാൻ സാധ്യതയുണ്ടെന്ന് കേന്ദ്രം അറിയിച്ചു. ചെങ്കടലിെൻറ വടക്കൻ, മധ്യ ഭാഗങ്ങളിൽ കാറ്റിന്റെ വേഗത മണിക്കൂറിൽ 10-25 കി.മീ ആയിരിക്കും. എന്നാൽ തെക്കൻ ഭാഗങ്ങളിൽ ഇത് 20-45 കി.മീ വരെ ഉയരാം. ബാബ് അൽ-മന്ദബ് കടലിടുക്ക് ഭാഗത്തേക്ക് കാറ്റിെൻറ വേഗത മണിക്കൂറിൽ 55 കി.മീ വരെ എത്താൻ സാധ്യതയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.