മദീന: ‘പ്രവാചക ചരിത്രവും ഇസ്ലാമിക നാഗരികതയും’ എന്ന വിഷയത്തിൽ സംഘടിപ്പിച്ച അന്താരാഷ്ട്ര പ്രദർശനം മദീന ഡെപ്യൂട്ടി ഗവർണർ അമീർ സഉൗദ് ബിൻ ഖാലിദ് അൽഫൈസൽ ഉദ്ഘാടനം ചെയ്തു. ബന്ധപ്പെട്ട വകുപ്പുകളുമായി സഹകരിച്ച് മുസ്ലിം വേൾഡ് ലീഗ് ആണ് പ്രദർശനം ഒരുക്കിയിരിക്കുന്നത്. പ്രവാചക ചരിത്രം ഇസ്ലാമിക നാഗരികത എന്നീ വിഷയങ്ങളിൽ പ്രാവീണ്യമുള്ള പണ്ഡിതന്മാരും ലോക ഇസ്ലാമിക വ്യക്തിത്വങ്ങളും നയതന്ത്രജ്ഞൻമാരും സന്നിഹിതരായിരുന്നു. മുസ്ലിംവേൾഡ് ലീഗ് ജനറൽ സെക്രട്ടറി ഡോ. മുഹമ്മദ് ബിൻ അബ്ദുൽ കരീം അൽഇസാ, ഹറം ഇമാം ശൈഖ് സ്വാലിഹ് ബിൻ അബ്ദുല്ല അൽഹുമൈദ്, വേൾഡ് മുസ്ലിം കൗൺസിൽ ജനറൽ സെക്രട്ടറി ഡോ. മുഹമ്മദ് അൽബിശാരി തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.