മൊഹായിൽ: പാലക്കാട് സ്വദേശി സൗദിയിൽ അസീറിനടുത്ത് മൊഹായിൽ ഹൃദയാഘാതത്തെ തുടർന്ന് മരിച്ചു. പട്ടാമ്പി വിളയൂർ കുപ്പൂത്ത് കിളിക്കോട്ടിൽ സൈതാലിയുടെ മകൻ അൻവർ സാദിഖ് (43) ആണ് മരിച്ചത്. വ്യാഴാഴ്ച രാത്രി ഉറങ്ങാൻ കിടന്നിട്ട് വെള്ളിയാഴ്ച കാലത്ത് എണീക്കാത്തതിനെ തുടർന്ന് സുഹ്യത്തുക്കൾ നോക്കിയപ്പോൾ മരണപ്പെട്ട നിലയിലായിരുന്നു.
മൂന്നര വർഷമായി മൊഹായിൽ അൽ ജറാദ് ഓട്ടോമാറ്റിക് ബേക്കറിയിൽ ഡ്രൈവറായി ജോലി ചെയ്യുകയായിരുന്നു. എട്ട് മാസങ്ങൾക്ക് മുമ്പാണ് അവസാനമായി നാട്ടിൽ അവധിക്ക് പോയി തിരിച്ചെത്തിയത്. മാതാവ്: ആയിഷ. ഭാര്യ: സബീല, മക്കൾ: സൽമാനുൽ ഫാരിസ്, സൽമ ഫർസാന, സൽമ ഷിഫാന, മരുമകൻ: സ്വലാഹുദ്ദീൻ.
സഹോദരങ്ങൾ: മുസ്തഫ മുസ് ലിയാർ, സിദ്ദീഖ് അൻവരി, ഹൈദർ, ആമിന, സുഹറ. നിയമനടപടികൾ പൂർത്തിയാക്കി മൊഹായിൽ ഖബറടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.