ദമ്മാം ഇസ്ലാമിക് കൾചറൽ സെന്റർ 2025-26 മദ്റസ പ്രവേശനത്തിനുള്ള അപേക്ഷ ഫോറം വിതരണം മുഹമ്മദ് സഈദ് ബേപ്പൂരിന് നൽകി അബ്ദുൽ ജബ്ബാർ അബ്ദുല്ല മദീനി നിർവഹിക്കുന്നു
ദമ്മാം: സൗദി മതകാര്യമന്ത്രാലയത്തിന്റെ അംഗീകാരത്തോടെ ഇസ്ലാമിക് കള്ചറല് സെന്റര് മലയാള വിഭാഗത്തിന്റെയും ഇന്ത്യന് ഇസ്ലാഹി സെന്ററിന്റെയും സഹകരണത്തോടെ പ്രവർത്തിക്കുന്ന ഐ.സി.സി മദ്റസ 2025-26 അക്കാദമിക വര്ഷത്തിലേക്കുള്ള പ്രവേശനത്തിനു അപേക്ഷകള് സ്വീകരിച്ചു തുടങ്ങിയതായി ഐ.സി.സി മലയാള വിഭാഗം മേധാവി അബ്ദുല് ജബ്ബാര് മദീനി അറിയിച്ചു.
ഒന്ന് മുതല് ഏഴ് വരെ ക്ലാസുകളില് 20 ഡിവിഷനുകളിലായി മുന്നൂറിൽപരം വിദ്യാർഥി -വിദ്യാർഥിനികള് നിലവില് ഇവിടെ പഠനം നടത്തുന്നുണ്ട്. ആണ്കുട്ടികള്ക്കും പെണ്കുട്ടികള്ക്കും പ്രത്യേകം ക്ലാസുകളിലായി വനിതകളടക്കം 20ഓളം അധ്യാപകര് സേവനമനുഷ്ഠിക്കുന്നു. ഖുര്ആൻ അർഥ സഹിതം പാരായണം, മനഃപാഠം, ഹദീസ് പഠനം, വിശ്വാസം, ഇസ്ലാമിക കർമം, അദ്കാർ, ഇസ്ലാമിക ചരിത്രം, സ്വഭാവ പഠനം, വ്യാകരണം, അറബി ഭാഷ തുടങ്ങിയ വിശാലമായ സിലബസാണ് നിലവിലുള്ളത്. ശനിയാഴ്ച രാവിലെ മുതൽ വൈകീട്ട് വരെയാണ് ക്ലാസുകൾ. ‘സി.ആർ.ഇ’ എന്ന പേരിൽ മുതിർന്ന കുട്ടികൾക്ക് പ്രത്യേക തുടർ പഠനവും ഇവിടെ നടക്കുന്നു. കുട്ടികളുടെ ശാരീരികവും മാനസികവുമായ ഉണര്വിന് സാഹിത്യ സമാജം, കലാകായിക മത്സരങ്ങള് എന്നിവയും നടന്നുവരുന്നു. കുട്ടികള്ക്കും രക്ഷിതാക്കള്ക്കും വേണ്ടിയുള്ള ബോധവത്കരണ ക്ലാസുകളുമുണ്ട്. ഈ വർഷം മേയ് ഒന്നിന് അഞ്ച് വയസ്സ് പൂര്ത്തിയായ കുട്ടികള്ക്ക് മദ്റസയില് പ്രവേശനം നേടാം.
പ്രവേശനത്തിനുള്ള അപേക്ഷ ഫോറം വിതരണോദ്ഘാടനം മുഹമ്മദ് സഈദ് ബേപ്പൂരിന് നൽകി അബ്ദുൽ ജബ്ബാർ അബ്ദുല്ല മദീനി നിർവഹിച്ചു. ഫൈസൽ കൈതയിൽ, സുഹൈർ മാറഞ്ചേരി, ബഷീർ, കീലേത്തോടി, ഉസ്മാൻ കൊടുവള്ളി, ശിയാസ് ചെറ്റാലി എന്നിവർ സംബന്ധിച്ചു.
പ്രവേശനത്തിനുള്ള അപേക്ഷകൾക്ക് ശനിയാഴ്ചകളിൽ ദമ്മാം സീക്കോ സിറ്റി സെന്ററിലുള്ള ഐ.സി.സി മദ്റസയിലും മറ്റ് ദിവസങ്ങളിൽ ദമ്മാം ഇന്ത്യന് ഇസ്ലാഹി സെന്ററിലുംബന്ധപ്പെടാം. കൂടുതല് വിവരങ്ങള്ക്ക് 0506995447, 0581709091, 0507904018 എന്നീ നമ്പറുകളില് വിളിക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.