നവോദയ ഗ്ലോബൽ കാരംസ് ടൂർണമെൻറ് വിജയികൾ
ട്രോഫികളുമായി
റിയാദ്: മൂന്നാമത് നവോദയ ഗ്ലോബൽ ട്രാവൽസ് കാരംസ് ടൂർണമെന്റിൽ ലത്തീഫ്-ഷംസീർ ടീം ജേതാക്കളായി. 12 ടീമുകളാണ് മാറ്റുരച്ചത്. അന്താരാഷ്ട്ര കാരംസ് നിയമങ്ങളുടെ അടിസ്ഥാനത്തിൽ ഡബിൾസ് മത്സരങ്ങളാണ് നടന്നത്. വാശിയേറിയ കലാശ പോരാട്ടത്തിൽ ഏകപക്ഷീയമായ മൂന്ന് സെറ്റുകൾക്കാണ് ലത്തീഫ്-ഷംസീർ ടീം (ഫ്രണ്ട്സ് ഫോറെവർ), ഷംസ്-ആസിഫ് (സോക്കർ) ടീമിനെ അഞ്ച്, ആറ്, നാല് എന്ന പോയന്റ് വ്യത്യാസത്തിൽ പരാജയപ്പെടുത്തിയത്.
വിജയികൾക്ക് ഗ്ലോബൽ ട്രാവൽസ് നൽകിയ 1001 റിയാലിന്റെ കാഷ് പ്രൈസും ട്രോഫിയും നവോദയ സെക്രട്ടറി രവീന്ദ്രൻ പയ്യന്നൂർ, പ്രസിഡന്റ് വിക്രമലാൽ, ടൂർണമെന്റ് കൺവീനർ ഷാജു പത്തനാപുരം എന്നിവർ ചേർന്ന് കൈമാറി. രണ്ടാം സ്ഥാനക്കാർക്കുള്ള ട്രോഫിയും 501 റിയാൽ കാഷ് പ്രൈസും എസ്.ടി കൊറിയർ മാനേജർ നൂറുദ്ദീൻ കൈമാറി.
ബത്ഹ സഫ മക്ക പോളിക്ലിനിക്കിൽ നടന്ന ടൂർണമെൻറ് നുറുദ്ദീൻ ഉദ്ഘാടനം ചെയ്തു. ഷൈജു പച്ച (റിയാദ് ടാക്കീസ്), രതീഷ് (ഷിഫ മലയാളി സമാജം), വിക്രമലാൽ, രവീന്ദ്രൻ പയ്യന്നൂർ എന്നിവർ സംസാരിച്ചു. ശ്രീരാജ്, ഗോപിനാഥ്, മൃദുൻ, അനി മുഹമ്മദ്, കുമ്മിൾ സുധീർ എന്നിവർ മത്സരങ്ങൾ നിയന്ത്രിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.