അബ്ദുൽലത്തീഫ് മൈനാഗപ്പള്ളി സഫിയ അജിത്ത് അനുസ്മരണ പ്രഭാഷണം നടത്തുന്നു
ദമ്മാം: കാൻസർ കാരണം 2015 ജനുവരി 26 ന് മരിച്ച നവയുഗം സാംസ്ക്കാരികവേദി കേന്ദ്രകമ്മിറ്റി വൈസ് പ്രസിഡന്‍റും സൗദിയിലെ പ്രമുഖ ജീവകാരുണ്യപ്രവർത്തകയുമായ സഫിയ അജിത്തിന്‍റെ ഏഴാം ചരമവാർഷികത്തിൽ നവയുഗം അൽഅഹ്സ്സ ഷുഖൈഖ് യൂനിറ്റ് അനുസ്മരണയോഗം സംഘടിപ്പിച്ചു. യൂനിറ്റ് ഓഫിസ്‌ ഹാളിൽ നടന്ന യോഗത്തിൽ കേന്ദ്രകമ്മിറ്റി അംഗവും ജീവകാരുണ്യപ്രവർത്തകനുമായ സിയാദ് പള്ളിമുക്ക് അധ്യക്ഷത വഹിച്ചു. ജീവകാരുണ്യവിഭാഗം കൺവീനറും കേന്ദ്രകമ്മിറ്റി അംഗവുമായ അബ്ദുൽലത്തീഫ് മൈനാഗപ്പള്ളി യോഗം ഉദ്ഘാടനം ചെയ്തു. മേഖല പ്രസിഡന്‍റ് ഉണ്ണി മാധവം, യൂനിറ്റ് ട്രഷറർ ഷിബു താഹിർ എന്നിവർ അനുസ്മരണ പ്രഭാഷണം നടത്തി. മേഖല ഭാരവാഹികളായ ഹക്കിം സ്വാഗതവും സിയാമുദ്ദീൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.