പ്രവാസം അവസാനിപ്പിച്ച് മടങ്ങുന്ന അലി തേക്കത്തിന് ജിദ്ദ മൂർക്കനാട് പഞ്ചായത്ത്
കെ.എം.സി.സി കമ്മിറ്റി നൽകിയ യാത്രയയപ്പ്
ജിദ്ദ: രണ്ടു പതിറ്റാണ്ട് കാലത്തെ പ്രവാസം അവസാനിപ്പിച്ച് മടങ്ങുന്ന മൂർക്കനാട് പഞ്ചായത്ത് ഗ്ലോബൽ കെ.എം.സി.സി ജനറൽ സെക്രട്ടറി തേക്കത്ത് അലിക്ക് ജിദ്ദ മൂർക്കനാട് പഞ്ചായത്ത് കെ.എം.സി.സി യാത്രയയപ്പ് നൽകി. ജിദ്ദ സെൻട്രൽ കമ്മിറ്റി സെക്രട്ടറി നാസർ മച്ചിങ്ങൽ പരിപാടി ഉദ്ഘാടനം ചെയ്തു. മൂർക്കനാട് പഞ്ചായത്ത് കെ.എം.സി.സി പ്രസിഡന്റ് വി.പി. കരീം അധ്യക്ഷത വഹിച്ചു. മൂർക്കനാട് പഞ്ചായത്ത് ഗ്ലോബൽ കെ.എം.സി.സി പ്രസിഡന്റ് സമദ് മൂർക്കനാട് അലി തേക്കത്തിന് ഉപഹാരം കൈമാറി.
മങ്കട മണ്ഡലം ജനറൽ സെക്രട്ടറി ഇ.സി. അഷ്റഫ്, ട്രഷറർ വി.ടി. മുസ്തഫ, മണ്ഡലം ഭാരവാഹികളായ മജീദ് മങ്കട, ഉണ്ണീൻ പുലാക്കൽ, കരീം പടിക്കമണ്ണിൽ, റഷീദ് പനങ്ങാങ്ങര, നജീബ് കൂരിയാട്ടിൽ, സലീം സദാഫ്കോ, മജീദ് അങ്ങാടിപ്പുറം, അഷ്റഫ് സ്മാർട്ട്, മുനീർ മണലായ തുടങ്ങിയവർ യാത്രമംഗളം നേർന്നു സംസാരിച്ചു. പ്രവാസികളുമായി ബന്ധപ്പെട്ട വിഷയങ്ങൾക്ക് മുൻതൂക്കം നൽകിയുള്ള രാഷ്ട്രീയപ്രവർത്തനമാണ് തുടർന്നും താനുദ്ദേശിക്കുന്നതെന്ന് മറുപടി പ്രസംഗത്തിൽ അലി തേക്കത്ത് പറഞ്ഞു. മൂർക്കനാട് പഞ്ചായത്ത് കെ.എം.സി.സി ജനറൽ സെക്രട്ടറി ഫിറോസ് താഴേരി സ്വാഗതവും ട്രഷറർ സുബൈർ മണി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.