ജിദ്ദ നവോദയ ഷറഫിയ സോക്കർ ഫെസ്റ്റിൽ സീനിയർ വിഭാഗത്തിൽ വിജയിച്ച സമാ
യുനൈറ്റഡ് ഇത്തിഹാദ് എഫ്.സി ടീം
ജിദ്ദ: ജിദ്ദ നവോദയ ഷറഫിയ ഏരിയ കമ്മിറ്റിയുടെ നേതൃത്വത്തിൽ നടത്തുന്ന സോക്കർ ഫെസ്റ്റ് സെവൻസ് ഫുട്ബാൾ ടൂർണമെന്റ് ഖാലിദ് ബിൻ വലീദ് ബ്ലാസ്റ്റേഴ്സ് സ്റ്റേഡിയത്തിൽ തുടക്കം കുറിച്ചു.ആദ്യ ദിനത്തിലെ മത്സരത്തിൽ വെറ്ററൻസ് വിഭാഗത്തിൽ സോക്കർ എഫ്.സി ഫ്രെഡേ ഫ്രീക്സ് എഫ്.സിയെ ഒരു ഗോളിന് പരാജയപ്പെടുത്തി.
ആവേശകരമായ രണ്ടാം മത്സരത്തിൽ വിജയ് മസാല ബി.എഫ്.സി വൈബ് ജിദ്ദയെ ഏഷ്യൻ ടൈംസ് ജിദ്ദ ഫ്രണ്ട്സ് ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി. മൂന്നാം മത്സരത്തിൽ ജെ.എസ്.സി ഷീറ ലാടീൻ സീനിയേഴ്സ് ഹിലാൽ എഫ്.സിയെ ടൈം ബ്രേക്കറിൽ ഒന്നിനെതിരെ മൂന്നിന് പരാജയപ്പെടുത്തി. സീനിയർ വിഭാഗത്തിൽ സമാ യുനൈറ്റഡ് ഇത്തിഹാദ് എഫ്.സി എതിരില്ലാത്ത രണ്ടു ഗോളുകൾക്ക് അറബ് ഡ്രീംസിനെയും പരാജയപ്പെടുത്തി.
ഉദ്ഘാടന ചടങ്ങിൽ ഏരിയ പ്രസിഡൻറ് ഫൈസൽ കോടശ്ശേരി അധ്യക്ഷത വഹിച്ചു. ജനറൽ സെക്രട്ടറി ശ്രീകുമാർ മാവേലിക്കര ടൂർണമെന്റ് ഉദ്ഘാടനം ചെയ്തു. മുഖ്യ രക്ഷധികാരി ഷിബു തിരുവനന്തപുരം, പ്രസിഡന്റ് കിസ്മത് മമ്പാട്, ട്രഷറർ സി.എം. അബ്ദുറഹ്മാൻ, ഏരിയ രക്ഷധികാരി മുജീബ് പൂന്താനം, പ്രോഗ്രാം കൺവീനർ ഇസ്ഹാഖ് പരപ്പനങ്ങാടി, വിന്നേഴ്സ് പ്രൈസ് മണി സ്പോൺസർ ചെയ്ത കാഫ് ലോജിസ്റ്റിക്സ് എം.ഡി ഫൈസൽ, റണ്ണേഴ്സ് പ്രൈസ്മണി സ്പോൺസർ ചെയ്ത വിജയ് മസാല പ്രതിനിധി മുസ്തഫ, സമാ പ്ലാസ്റ്റിക് എം.ഡി ഷംസീദ് തുടങ്ങിയവർ സംസാരിച്ചു. നവോദയ ബാലവേദിയുടെ കീഴിൽ കലാവേദി ജോയിന്റ് കൺവീനർ അഭിലാഷിന്റെ നേതൃത്വത്തിൽ കുട്ടികളുടെ വൈവിധ്യമാർന്ന നൃത്താവിഷ്കാരങ്ങൾ ഉദ്ഘാടന ചടങ്ങിന് മാറ്റ് കൂട്ടി.ഏരിയ സെക്രട്ടറി അമീൻ വേങ്ങൂർ സ്വാഗതവും ട്രഷറർ ബിനു മുണ്ടക്കയം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.