ജിദ്ദ: കേരളത്തിൽ നിന്നുള്ള െഎ.ടി വിദഗ്ധരുടെ സംഗമം ഇൗ മാസം 27^ന് ജിദ്ദ ബലദിലെ റെഡ് സീ പാലസ് ഹോട്ടലിൽ സംഘടിപ്പിക്കാൻ തീരുമാനിച്ചതായി ഭാരവാഹികൾ വാർത്താസമ്മേളനത്തിൽ അറിയിച്ചു. ഐ.ടി എക്സ്പേർട്സ് ആൻഡ് എൻജിനീയേഴ്സ് -കെ.എസ്.എ’ എന്ന പേരിലുള്ള കൂട്ടായ്മയാണ് ‘മീറ്റ് ഫോർ ബെറ്റർ ഫ്യൂചർ’ എന്ന പരിപാടി സംഘടിപ്പിക്കുന്നത്. 2014 ^ൽ തുടക്കമിട്ട ‘ഐ.ടി.ഇ.ഇ -കെ.എസ്.എ’ ക്കു സൗദിയിലെ വിവിധ പ്രവിശ്യകളിൽ നിന്നായി 200 ഒാളം അംഗങ്ങളുണ്ട്. ഇത് കൂടുതൽ വിപുലപ്പെടുത്തും. പ്രഫഷനൽ രംഗത്ത് പരസ്പര സഹായവും ക്ഷേമവും ഉണ്ടാക്കുന്ന പദ്ധതികൾ കൂട്ടായ്മയുടെ ലക്ഷ്യമാണ്.
ജോലി അന്വേഷിക്കുന്നവർക്ക് ജോലി കണ്ടെത്താൻ സഹായിക്കാനും സൗദിയിൽ ഐ.ടി രംഗത്തു വരുന്ന മാറ്റങ്ങൾക്ക് അംഗങ്ങളെ സജ്ജരാക്കുന്നതിനുമുള്ള പ്രവർത്തനങ്ങൾക്ക് തുടക്കം കുറിക്കുന്നതിെൻറ ഭാഗമാണ് സംഗമം. പരിപാടിയിൽ ഐ ടി രംഗത്തെ പ്രമുഖർ നേതൃത്വം കൊടുക്കുന്ന സെഷനുകൾക്കു പുറമെ വിദഗ്ധരുടെ അനുഭവങ്ങൾ പങ്കുവെക്കുന്ന സെഷനുകളും ഒരുക്കുന്നുണ്ട്. ലോഗോ പ്രകാശനവും നടക്കും.ഭാരവാഹികളായ അഷ്റഫ് അഞ്ചാലൻ, സഹദ് പാലോളി, ഷാഹിദ് മലയിൽ, കെ.വി സൽമാനുൽ ഫാരിസ് , നൗഷാദ് വെങ്കിട്ട എന്നിവർ വാർത്താ സമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.