ജിദ്ദ ഇസ്പാഫ് സംഘടിപ്പിച്ച സൗജന്യ മാത്തമാറ്റിക്സ് ട്രെയിനിങ് ക്ലാസിന് നേതൃത്വം നൽകിയ
സലീം ഫൈസൽ മറ്റ് അതിഥികൾക്കും സംഘാടകർക്കുമൊപ്പം
ജിദ്ദ: ഇന്റർനാഷനൽ ഇന്ത്യൻ സ്കൂൾ പാരന്റ്സ് ഫോറം ജിദ്ദ (ഇസ്പാഫ്) ഫ്യൂച്ചർസിറ്റി എജുടെക് വെഞ്ചേഴ്സുമായി ചേർന്ന് പത്താം തരം വിദ്യാർഥികൾക്കായി സൗജന്യ മാത്തമാറ്റിക്സ് ട്രെയിനിങ് ക്ലാസ് സംഘടിപ്പിച്ചു. 'മാത്സിൽ മാസ്റ്ററാകാം; മാത്സ് ഗുരുവിലൂടെ' വിഷയത്തിൽ സംഘടിപ്പിച്ച ക്ലാസിന് ഇന്റർനാഷനൽ മാത്തമാറ്റിക്സ് ആൻഡ് കരിയർ ട്രെയിനറും മാത്സ് ഗുരുവുമായ സലീം ഫൈസൽ നേതൃത്വം നൽകി. 50ഓളം കുട്ടികൾ ക്ലാസിൽ പങ്കെടുത്തു. ജിദ്ദ നാഷനൽ ആശുപത്രി ഓഡിറ്റോറിയത്തിൽ നടന്ന പരിപാടി സലാഹ് കാരാടൻ ഉദ്ഘാടനം ചെയ്തു. ഇസ്പാഫ് പ്രസിഡന്റ് ഡോ. മുഹമ്മദ് ഫൈസൽ അധ്യക്ഷത വഹിച്ചു. ഫ്യൂച്ചർസിറ്റി സി.ഇ.ഒ റാഷിദ് ഉമർ, മാനേജിങ് ഡയറക്ടർ അബ്ദുൽ റഹ്മാൻ സലഫി എന്നിവർ ഫ്യൂച്ചർസിറ്റി എജുടെക്കിനെ കുട്ടികൾക്ക് പരിചയപ്പെടുത്തി.
എൻജിനീയർ മുഹമ്മദ് കുഞ്ഞി സ്വാഗതവും എൻജിനീയർ സഹിർഷാ നന്ദിയും പറഞ്ഞു. സോഫിയ തസ്നീം പരിപാടി നിയന്ത്രിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.