പ്രിയപ്പെട്ട എജ്യുകഫെ, നിന്നെ ഞങ്ങൾ മറക്കില്ല

ജിദ്ദ: ഒാർമകളിൽ മായാത്ത ഒരുപാട്​ നിമിഷങ്ങൾ സമ്മാനിച്ചാണ്​ ജിദ്ദ എജ്യുകഫെക്ക്​ കൊടിയിറങ്ങിയത്​. വിസ്​മയവും വിജ്​ഞാനവും മാനവികചിന്തകളും സമ്മേളിച്ച ഇൗ സുദിനം മറക്കാൻ കഴിയില്ലെന്ന്​ സാക്ഷ്യംവഹിച്ച വിദ്യാർഥികളും രക്ഷിതാക്കളും പൗരസമൂഹവും ഒരുപോലെ പറഞ്ഞു. 

പത്തു മണിക്കൂർ നീണ്ട വിജ്​ഞാനോൽസവത്തി​​​െൻറ സായാഹ്​നം ആദി ആദർശ്​ എന്ന മ​​െൻറലിസ്​റ്റി​​​െൻറ വിസ്​മയപ്രകടനങ്ങളുടേതായിരുന്നു. ആദിയുടെ പ്രകടനം ആസ്വദിക്കാൻ ജിദ്ദയിലെ പൗരസമൂഹവും കാത്തിരുന്നു. ഗൾഫ്​ മാധ്യമം എജ്യുകഫെകളിൽ ഇത്രയും വലിയ വിദ്യാർഥിക്കൂട്ടത്തിന്​ മുന്നിൽ സംസാരിച്ചത്​ ആദ്യമായാണ്​ എന്ന്​ ദുബൈ എജ്യുകഫെയിൽ പ​​െങ്കടുത്ത ഒാർമയിൽ എം.പി.എം മുഹമ്മദ്​ ഹനീഷ്​ ​െഎ.എ.എസ്​ പറഞ്ഞു. ആസ്​ട്രേലിയൻ ട്രെയിനർ ജാസൺ ​ഫിറ്റ്​സിമോനും സിനിമാ സംവിധായകൻ സെയ്​ദ്​ സുൽത്താൻ അഹമ്മദും വിദ്യാർഥികളുടെ പങ്കാളിത്തം കണ്ട്​ അമ്പരന്നു. കേരളത്തിലെ ഒരു വാർത്താമാധ്യമം വിദ്യാഭ്യാസമേഖലയിൽ നടത്തുന്ന ശക്​തമായ ഇടപെടലിനെ ഇന്ത്യൻ ഡെപ്യൂട്ടികോൺസൽ ജനറൽ അഭിനന്ദിച്ചു.  ഇന്ത്യൻ സ്​കൂളിൽ ഇത്രയും മികച്ചൊരു വിദ്യാഭ്യാസമേള ആദ്യമായാണെന്ന്​ പ്രിൻസിപ്പൽ സയിദ്​ മസ്​ഉൗദ്​ അഹമ്മദ്​ പറഞ്ഞു. മാധ്യമം കേരളത്തിലെ വാർത്താമാധ്യമങ്ങളെ സ്വാധീനിച്ച പത്രമാണെന്ന്​ ഇൻറർനാഷനൽ ഇന്ത്യൻ സ്​കൂൾ മാനേജിങ്​ കമ്മിറ്റി ചെയർമാൻ മുഹമ്മദ്​ ഇഖ്​ബാൽ പറഞ്ഞു. നിച്ച്​ ഒഫ്​ ട്രൂത്ത്​ ഡയറക്​ടർ ഡോ.എം.എം അക്​ബർ എജ്യുകഫെക്ക്​ സാക്ഷിയാകാനെത്തി. മാധ്യമപ്രവർത്തകരും സാമൂഹിക സാംസ്​കാരിക വിദ്യാഭാസ,വ്യവസായ^വാണിജ്യ മേഖലയിലെ പ്രമുഖ വ്യക്​തിത്വങ്ങളും മേളക്കെത്തി.   

നവ്യാനുഭവമായിരുന്നു  എജ്യു കഫെ എന്നായിരുന്നു​ വിദ്യാർഥികളുടെ പ്രതികരണം. അതിരുകളില്ലാത്ത പുത്തൻ അറിവി​​​െൻറ വാതിലുകൾ തുറന്നുതന്ന ‘ഗൾഫ് മാധ്യമ’ത്തിന്​ അവർ നന്ദി പറഞ്ഞു.  ആത്മവിശ്വാസം ആകാശത്തോളം ഉയർത്താനും പരീക്ഷാ ഭീതി അകറ്റാനും പരിപാടി  തങ്ങൾക്ക് ഉപയോഗപ്പെട്ടതായി ജിദ്ദയിലെ ഇൻറർനാഷനൽ ഇന്ത്യൻ സ്‌കൂൾ പ്ലസ് വൺ  വിദ്യാർഥിനികളായ ഷദ, റദ, നൗറിൻ, ജസ്മ എന്നിവർ പ്രതികരിച്ചു. സ്‌കൂൾ പരീക്ഷയുടെ തലേന്നാൾ വന്ന മേളയോട്​ ആദ്യം വിമുഖത കാണിച്ചിരുന്നുവെങ്കിലും പങ്കെടുക്കാതിരുന്നാലുള്ള  നഷ്​ടം നികത്താനാവാത്തതാവുമായിരുന്നു എന്ന്​ കുട്ടികൾ പറഞ്ഞു. എല്ലാം കഴിഞ്ഞ്​ ഉപചാരം ചൊല്ലിപ്പിരിയു​േമ്പാൾ അവർ ചോദിച്ചു, ഇനിയെന്നു വരും ഇതു വഴി എജ്യുകഫെ.......?