ജിദ്ദ: റിയാദില്‍നിന്ന് ഒക്ടോബർ 16 മുതൽ സര്‍വിസ് ആരംഭിക്കുന്ന സൗദിയിലെ ബജറ്റ് എയർലൈൻസായ ഫ്ലൈനാസിന് 634 റിയാൽ മുതൽ ടിക്കറ്റ് നിരക്ക്. സൗദി അറേബ്യയില്‍ ഏറ്റവും കുറഞ്ഞ നിരക്കില്‍ സര്‍വിസ് നടത്തുന്ന കമ്പനിയാണ് ഫ്ലൈനാസ്. ഒക്ടോബർ 16 മുതല്‍ റിയാദിൽനിന്ന് കോഴിക്കോട്ടേക്കു സർവിസുകൾ ആരംഭിക്കുന്നതായി കമ്പനി ഔദ്യോഗികമായി സ്ഥിരീകരിച്ചു. ടിക്കറ്റ് ബുക്കിങ് ആരംഭിച്ചിട്ടുണ്ട്. 634 റിയാൽ മുതൽ ടിക്കറ്റുകൾ ലഭ്യമാണ്. തിങ്കൾ, ബുധൻ, വെളളി ദിവസങ്ങളിലായിരിക്കും സർവിസ്. പുലർച്ച 12.50ന് റിയാദിൽനിന്ന് പുറപ്പെടുന്ന വിമാനം രാവിലെ 8.35ന് കരിപ്പൂരിലെത്തും. 9.25ന് തിരിച്ച് പുറപ്പെട്ട് 12ന് റിയാദിലെത്തും. സൗദിയിലെ വിവിധ നഗരങ്ങളിലേക്ക് കണക്ഷൻ ഫ്ലൈറ്റുകളുമുണ്ട്.
20 കിലോയാണ് സൗജന്യമായി കൊണ്ടുപോകാവുന്ന ബാഗേജ്. നിശ്ചിത സംഖ്യയടച്ചാല്‍ അധികമായി ലഗേജ് കൊണ്ടുപോവാനും സാധിക്കും. കോഴിക്കോടിനൊപ്പം റിയാദിൽനിന്നും ദമ്മാമിൽനിന്നും ലഖ്നോവിലേക്കും ഫ്ലൈനാസ് സർവിസുകൾ ആരംഭിക്കുന്നുണ്ട്. ഡൽഹിയിലേക്കും ഹൈദരാബാദിലേക്കും നേരത്തേതന്നെ സർവിസുകൾ നടത്തുന്നുണ്ട്. താമസിയാതെ ജിദ്ദയിൽനിന്നും ദമ്മാമിൽനിന്നും കോഴിക്കോട്ടേക്ക് സർവിസുകൾ ആരംഭിക്കുമെന്ന പ്രതീക്ഷയിലാണ് പ്രവാസികൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.