ദമ്മാം: പനിയും ചുമയും അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ച മലയാളി ദമ്മാമിൽ മരിച്ചു. ആലപ്പുഴ, തിരുവമ്പാടി സ്വദേശി വാടക്കൽ കുരിശിങ്കൽ വീട്ടിൽ ജോണി (51) ആണ് മരിച്ചത്. ദിവസങ്ങൾക്ക് മുമ്പാണ് കടുത്ത പനിയും ചുമയുമുണ്ടായി ആശുപത്രിയിൽ പ്രവേശിപ്പിച്ചത്. സ്ഥിതി ഗുരുതരമായി തുടരുകയായിരുന്നു.
ചൊവ്വാഴ്ച ഉച്ചയോടെയാണ് മരണം സംഭവിച്ചത്. സറാകോ കമ്പനിയിലെ ജീവനക്കാരനായിരുന്ന അദ്ദേഹം കരാർ അടിസ്ഥാനത്തിൽ 27 വർഷമായി ദമ്മാം മെഡിക്കൽ കോംപ്ലക്സിൽ അഡ്മിനിസ്ട്രേഷൻ വിഭാഗത്തിൽ ജോലിചെയ്യുകയായിരുന്നു. സൗമ്യനും സഹൃദയനുമായിരുന്ന ഇദ്ദേഹത്തിന് വലിയ സൗഹൃദ വലയം ഉണ്ടായിരുന്നു. സറാകോ ജീവനക്കാരിയായ റസീനയാണ് ഭാര്യ. മക്കൾ: ഡോ. റോഷിൻ, എൻജി. നിഷിൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.