പ്രവാസം അവസാനിപ്പിച്ച് മടങ്ങുന്ന കെ.വി. അലി കണ്ണൂരിന് കെ.എം.സി.സി ഹുത്ത ബനീ തമിം ഏരിയ കമ്മിറ്റി യാത്രയയപ്പ് നൽകിയപ്പോൾ
ഹുത്ത ബനീ തമിം: കെ.എം.സി.സി ഹുത്ത ബനീ തമിം ഏരിയ കമ്മിറ്റി പ്രഥമ ട്രഷററായ കെ.വി. അലി കണ്ണൂരിന് ഏരിയ കമ്മിറ്റിയുടെ നേതൃത്വത്തിൽ യാത്രയയപ്പ് നൽകി.
സംഘടന പ്രവർത്തനങ്ങളിൽ സജീവ സാന്നിധ്യമായിരുന്ന അലി 39 വർഷത്തെ പ്രവാസം മതിയാക്കിയാണ് മടങ്ങുന്നത്. വൈസ് പ്രസിഡന്റ് റഹീം പാപ്പിനിശ്ശേരി അധ്യക്ഷത വഹിച്ചു. ഖർജ് സെൻട്രൽ കമ്മിറ്റി വൈസ് പ്രസിഡന്റ് സുലൈമാൻ വയനാട് ഉദ്ഘാടനം ചെയ്തു. ഖർജ് സെൻട്രൽ കമ്മിറ്റി പ്രസിഡന്റും ഏരിയ കമ്മിറ്റി ചെയർമാനുമായ എൻ.കെ.എം. കുട്ടി ചേളാരി ചടങ്ങിൽ മുഖ്യപ്രഭാഷണം നിർവഹിച്ചു. ഏരിയ കമ്മിറ്റി ട്രഷറർ റിയാസ് വള്ളക്കടവ്, റിലീഫ് വിങ് ചെയർമാൻ ഫൈസൽ ചെമ്പ്ര, വർക്കിങ് കമ്മിറ്റി അംഗങ്ങളായ തൗഫീഖ് ചേർപ്പ്, സിറാജ് കാസർകോട്, നബീൽ പന്നിയൂർ എന്നിവർ സംസാരിച്ചു. സലാം കൊല്ലം, സലിം തിരൂർ, ആസിം ഖാൻ കോന്നി, സിദ്ദീഖ്, ബഷീർ കണ്ണൂർ, അസൈനാർ എന്നിവർ സംസാരിച്ചു. സെൻട്രൽ കമ്മിറ്റി വൈസ് പ്രസിഡന്റ് സുലൈമാൻ, അലിക്ക് ഓർമഫലകം കൈമാറി. സെക്രട്ടറി അബ്ദുൽ മജീദ് കോട്ടക്കൽ സ്വാഗതവും ജോയന്റ് സെക്രട്ടറി സലാഹുദ്ദീൻ നീരോൽപാലം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.