റിയാദ്: കേളി കലാസാംസ്കാരികവേദി മലസ് ഏരിയ ഹാര യൂനിറ്റിലെ മുതിർന്ന അംഗം സൈദ് മുഹമ്മദിന് യൂനിറ്റിന്റെ ആഭിമുഖ്യത്തിൽ യാത്രയയപ്പ് നൽകി.കഴിഞ്ഞ 28 വർഷമായി റിയാദിലെ ഒരു നിർമാണ കമ്പനിയിൽ ജോലി ചെയ്യുന്ന സൈദ് മുഹമ്മദ് മലപ്പുറം മഞ്ചേരി സ്വദേശിയാണ്. യൂനിറ്റ് പരിധിയിൽ ചേർന്ന യാത്രയയപ്പ് ചടങ്ങിൽ പ്രസിഡന്റ് അഷ്റഫ് പൊന്നാനി അധ്യക്ഷത വഹിച്ചു.
ഏരിയ രക്ഷാധികാരി സെക്രട്ടറിയും കേന്ദ്ര ജോയന്റ് സെക്രട്ടറിയുമായ സുനിൽകുമാർ, ഏരിയ ട്രഷറർ നൗഫൽ ഉള്ളാട്ട്ചാലി, വൈസ് പ്രസിഡന്റ് മുകുന്ദൻ, യൂനിറ്റ് ട്രഷറർ സിംനേഷ്, എക്സിക്യൂട്ടിവ് അംഗങ്ങളായ അബ്ദുല്ല, വദൂദ്, റിജോ എന്നിവർ സംസാരിച്ചു.സൈദ് മുഹമ്മദിനുള്ള യൂനിറ്റിന്റെ ഉപഹാരം സെക്രട്ടറി ജുനു റസാഖ് കൈമാറി.ജുനു റസാഖ് സ്വാഗതവും സൈദ് മുഹമ്മദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.