നാട്ടിലേക്ക് മടങ്ങുന്ന രാധാകൃഷ്ണന് കേളി രക്ഷാധികാരി കമ്മറ്റിയുടെ ഉപഹാരം കൺവീനർ
സുരേഷ് ലാൽ കൈമാറുന്നു
റിയാദ്: പ്രവാസം അവസാനിപ്പിച്ച് മടങ്ങൂന്ന റിയാദിലെ കേളി കലാസാംസ്കാരിക വേദി റൗദ ഏരിയ രക്ഷാധികാരി കമ്മിറ്റിയംഗം രാധാകൃഷ്ണന് യാത്രയയപ്പ് നൽകി.
കോഴിക്കോട് ഫറോക്ക് സ്വദേശിയായ രാധാകൃഷ്ണൻ 30 വർഷമായി ഒരു സ്വകാര്യ സ്ഥാപനത്തിൽ തയ്യൽ തൊഴിലാളിയായിരുന്നു. ജീവകാരുണ്യ പ്രവർത്തനങ്ങളിൽ സജീവമായിരുന്നു. റൗദയിൽ ചേർന്ന യാത്രയയപ്പ് ചടങ്ങിൽ രക്ഷാധികാരി കമ്മറ്റിയംഗം സതീഷ് കുമാർ അധ്യക്ഷത വഹിച്ചു.
കേന്ദ്ര രക്ഷാധികാരി കമ്മറ്റിയംഗം ഗീവർഗീസ്, ഏരിയ ക്ഷാധികാരി സെക്രട്ടറി സുരേഷ് ലാൽ, കേന്ദ്രകമ്മിറ്റിയംഗം സുനിൽ സുകുമാരൻ, റൗദ രക്ഷാധികാരി കമ്മറ്റിയംഗങ്ങളായ സജ്ജാദ്, കെ.കെ. ഷാജി, റൗദ ഏരിയ കമ്മറ്റിയംഗങ്ങളായ രണൻ കമലൻ, അലി കുറ്റിയാടി, കൃഷ്ണകുമാർ, യുനിറ്റ് അംഗങ്ങളായ സുരേഷ് ബാബു, ചന്ദ്രൻ, ശശിധരൻ എന്നിവർ സംസാരിച്ചു.
രക്ഷാധികാരി കമ്മിറ്റിയുടെ ഉപഹാരം കൺവീനർ സുരേഷ് ലാലും ഏരിയയുടെ ഉപഹാരം ഏരിയാ സെക്രട്ടറി ബിജി തോമസും യൂനിറ്റിന്റെ ഉപഹാരം ജോയിന്റ് സെക്രട്ടറി അലി കുറ്റിയാടിയും നൽകി. ഏരിയാ സെക്രട്ടറി ബിജി തോമസ് സ്വാഗതവും രാധാകൃഷ്ണൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.