ഈജിപ്ത് എയർ കാർഗോ സൗദി സെയിൽസ് ഏജന്റായി ഇ.എഫ്.എസ് ലോജിസ്റ്റിക്സിനെ നിയമിച്ചുകൊണ്ടുള്ള കരാറിൽ വൈസ് പ്രസിഡന്റ് ഹെഷാം എല്ലിവ ഇ.എഫ്.എസ് ലോജിസ്റ്റിക്സ് മാനേജിങ് ഡയറക്ടർ നജീബ് കളപ്പാടൻ എന്നിവർ ഒപ്പ് വെച്ചപ്പോൾ
റിയാദ്: എയർ കാർഗോ ലോജിസ്റ്റിക്സ് രംഗത്തെ പ്രശസ്തിയും വൈദഗ്ധ്യവും അടിസ്ഥാനമാക്കി ഇ.എഫ്.എസ് ലോജിസ്റ്റിക്സിനെ സൗദി അറേബ്യയിലെ ഈജിപ്ത് എയർ കാർഗോയുടെ പ്രഥമ സെയിൽസ് ഏജന്റായി തെരഞ്ഞെടുത്തു. ജിദ്ദയിലെ ലെ മെറിഡിയൻ ഹോട്ടലിൽ നടന്ന ചടങ്ങിലാണ് ഇക്കാര്യം പ്രഖ്യാപിച്ചത്. ഈജിപ്ത് എയർ കാർഗോ ചെയർമാൻ ക്യാപ്റ്റൻ ഗേസർ ഹുസൈൻ സെയിൽസ് ഏജന്റ് പ്രഖ്യാപനം നിർവഹിച്ചു. ഈജിപ്ത് എയർ കാർഗോ വൈസ് പ്രസിഡന്റ് ഹെഷാം എല്ലിവ മുഖ്യപ്രഭാഷണം നടത്തി. മാനേജിങ് ഡയറക്ടർ നജീബ് കളപ്പാടൻ ഇ.എഫ്.എസ് ലിമിറ്റഡിനെപരിചയപ്പെടുത്തി.
ഈജിപ്ത് എയർ കാർഗോ വൈസ് പ്രസിഡന്റ് ഹെഷാം എല്ലിവയും ഇ.എഫ്.എസിന് വേണ്ടി നാദിർ കളപ്പാടനും കരാറിൽ ഒപ്പുവച്ചു. ഇ.എഫ്.എസ് കമ്പനി ലിമിറ്റഡ് എച്ച്.ആർ ആൻഡ് പബ്ലിക് റിലേഷൻസ് മാനേജർ സുൽത്താൻ അൽ ഖുറൈഷി സ്വാഗതം പറഞ്ഞു.
യു.എസ്.എ, കാനഡ, യൂറോപ്പ്, ആഫ്രിക്ക, ഗൾഫ് മേഖല, കിഴക്കനേഷ്യ എന്നിവിടങ്ങളിലെ പ്രധാന നഗരങ്ങളെ ബന്ധിപ്പിച്ച് 70ലധികം വിമാന സർവിസുകളാണ് നിലവിൽ ഈജിപ്ത് എയർ നടത്തുന്നത്. സൗദി അറേബ്യയിൽ റിയാദ്, ജിദ്ദ, ദമ്മാം, മദീന എന്നിവിടങ്ങളിൽ നിന്ന് ചെറുതും വലുതുമായ നാലിലേറെ വിമാനങ്ങൾ സർവിസ് നടത്തുന്നുണ്ട്.
കെയ്റോ അന്താരാഷ്ട്ര വിമാനത്താവളത്തിലാണ്കാർഗോ ഹബ്. ബെൽജിയത്തിലെ ഓസ്റ്റെൻഡ് എയർപോർട്ട്, ജർമനിയിലെ കൊളോൺ എയർപോർട്ട്, ഷാർജ എയർപോർട്ട് യു.എ.ഇ, നെയ്റോബി എയർപോർട്ട്, തായ്ലൻഡിലെ ബാങ്കോക്ക് എയർപോർട്ട്, ഇറ്റലിയിലെ മാൽപെൻസ എയർപോർട്ട്, തുർക്കിയിലെ ഇസ്താംബുൾ എയർപോർട്ട്, സുഡാനിലെ ഖാർത്തൂം എയർപോർട്ട്, അഡിസ് അബബ എന്നിവിടങ്ങളിൽ പ്രാദേശിക കേന്ദ്രങ്ങൾ വികസിപ്പിച്ചെടുത്തിട്ടുമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.