ദ​മ്മാ​മി​ൽ വീ​ട്ടു​വേ​ല​ക്കെ​ത്തി ദു​രി​ത​ത്തി​ലാ​യ കോ​ട്ട​യം സ്വ​ദേ​ശി​നി നാ​ട​ണ​ഞ്ഞു

ദ​മ്മാം: ഒ​രു വ​ർ​ഷ​ത്തി​ല​ധി​ക​മാ​യി നി​യ​മ​ക്കു​രു​ക്കി​ൽ​പെ​ട്ട്​ ദു​രി​ത​ത്തി​ലാ​യ കോ​ട്ട​യം ച​ങ്ങ​നാ​ശ്ശേ​രി സ്വ​ദേ​ശി​നി രാ​ജേ​ശ്വ​രി രാ​ജ​ൻ നാ​ട​ണ​ഞ്ഞു. ദ​മ്മാ​മി​ൽ സ്വ​ദേ​ശി​യു​ടെ വീ​ട്ടി​ൽ ഒ​രു വ​ർ​ഷം മു​മ്പ് വീ​ട്ടു​ജോ​ലി​ക്ക് എ​ത്തി​യ​താ​യി​രു​ന്നു ഇ​വ​ർ. ഭാ​രി​ച്ച ജോ​ലി​യും ശാ​രീ​രി​ക​പീ​ഡ​ന​ങ്ങ​ളും മൂ​ലം ബു​ദ്ധി​മു​ട്ടി ക​ഴി​യു​ക​യാ​യി​രു​ന്നു. ഇ​തി​നി​ട​ക്ക് ന്യൂ​മോ​ണി​യ ബാ​ധി​ച്ച് അ​വ​ശ​നി​ല​യി​ൽ ആ​ശു​പ​ത്രി​യി​ൽ ചി​കി​ത്സ തേ​ടു​ക​യും ചെ​യ്തു.

അ​തി​നു​ശേ​ഷ​വും ശാ​രീ​രി​ക​പ്ര​യാ​സ​ങ്ങ​ൾ കാ​ര​ണം ജോ​ലി ചെ​യ്യാ​ൻ സാ​ധി​ക്കാ​തെ​യാ​യ​പ്പോ​ൾ സാ​മൂ​ഹി​ക പ്ര​വ​ർ​ത്ത​ക​ൻ മ​ണി​ക്കു​ട്ട​ന്റെ സ​ഹാ​യം തേ​ടു​ക​യാ​യി​രു​ന്നു. അ​ദ്ദേ​ഹം മ​ഞ്ജു മ​ണി​ക്കു​ട്ട​ന്റെ സ​ഹാ​യ​ത്താ​ൽ പൊ​ലീ​സ് സ്‌​റ്റേ​ഷ​നി​ൽ ഹാ​ജ​രാ​ക്കി​യ​ശേ​ഷം ദ​മ്മാം വ​നി​ത അ​ഭ​യ​കേ​ന്ദ്ര​ത്തി​ൽ താ​മ​സി​പ്പി​ച്ചു.

ഇ​തി​നി​ട​യി​ൽ സ്പോ​ൺ​സ​ർ വീ​ട്ടി​ൽ​നി​ന്നു കാ​ണാ​താ​യെ​ന്നു കാ​ണി​ച്ച് 'ഹു​റൂ​ബാ'​ക്കു​ക​യും ചെ​യ്തു. ഈ ​വി​വ​ര​ങ്ങ​ൾ ഇ​ന്ത്യ​ൻ എം​ബ​സി ക​മ്യൂ​ണി​റ്റി വെ​ൽ​ഫെ​യ​ർ വി​ഭാ​ഗ​ത്തെ അ​റി​യി​ച്ച​തി​ന്റെ അ​ടി​സ്ഥാ​ന​ത്തി​ൽ പാ​സ്പോ​ർ​ട്ടും മ​റ്റു രേ​ഖ​ക​ളും ല​ഭി​ച്ചു. സാ​മൂ​ഹി​ക പ്ര​വ​ർ​ത്ത​ക​ൻ വെ​ങ്കി​ടേ​ഷി​ന്റെ സ​ഹാ​യ​ത്തോ​ടെ ഫൈ​ന​ൽ എ​ക്സി​റ്റ് ല​ഭി​ച്ചു.

പ്ര​വാ​സി വെ​ൽ​ഫെ​യ​ർ ദ​മ്മാം റീ​ജ​ന​ൽ ക​മ്മി​റ്റി അം​ഗം റ​ഊ​ഫ് ചാ​വ​ക്കാ​ട് വ​ഴി ഡ്രീം ​ടെ​സ്റ്റി​നേ​ഷ​ൻ ടൂ​ർ ആ​ൻ​ഡ് ട്രാ​വ​ൽ​സ് ന​ൽ​കി​യ സൗ​ജ​ന്യ ടി​ക്ക​റ്റി​ൽ ക​ഴി​ഞ്ഞ ദി​വ​സം നാ​ട്ടി​ലേ​ക്കു മ​ട​ങ്ങി. ഇ​വ​ർ​ക്കു​ള്ള ഒ​രു മാ​സ​ത്തെ ഭ​ക്ഷ​ണം, വ​സ്ത്രം, മ​റ്റു നി​ത്യോ​പ​യോ​ഗ സാ​ധ​ന​ങ്ങ​ൾ യൂ​ത്ത് ഇ​ന്ത്യ, ഐ.​എം.​സി.​സി, പ്ര​വാ​സി വെ​ൽ​ഫെ​യ​ർ, ഹൈ​ദ​രാ​ബാ​ദ് അ​സോ​സി​യേ​ഷ​ൻ എ​ന്നീ സം​ഘ​ട​ന​ക​ൾ ന​ൽ​കി.