റിയാദ് അൽ യാസ്മിൻ ഇന്റർനാഷനൽ സ്കൂൾ ബോയ്സ് വിഭാഗം കുട്ടികളുടെ ബിരുദദാന ചടങ്ങ്
റിയാദ്: റിയാദ് അൽ യാസ്മിൻ ഇന്റർനാഷനൽ സ്കൂൾ ബോയ്സ് വിഭാഗം കുട്ടികളുടെ ബിരുദദാന ചടങ്ങ് സ്കൂൾ ഓഡിറ്റോറിയത്തിൽ നടന്നു. അറ്റാ എജുക്കേഷനൽ കമ്പനി സി.ഇ.ഒ ഡോ. ഫഹദ് അൽ തുവൈജിരി മുഖ്യാതിഥിയായിരുന്നു. സ്കൂൾ കോംപ്ലക്സ് മാനേജർ അബ്ദുലില്ലാഹ് അൽ മൊയ്ന, പ്രിൻസിപ്പൽ ഡോ. എസ്.എം. ഷൗഖത്ത് പർവേസ്, ബോയ്സ് സെക്ഷൻ ഹെഡ് മാസ്റ്റർമാരായ അബ്ദുൽ റഷീദ്, മുഹമ്മദ് അൽതാഫ്, ഗേൾസ് വിഭാഗം ഹെഡ്മിസ്ട്രസ് നിഖത് അൻജും, എക്സാമിനേഷൻ കൺട്രോളർ സുബി ഷാഹിർ, ഓഫിസ് സൂപ്രണ്ട് റഹീന ലത്തീഫ്, പി.ആർ.ഒ. സൈനബ് തുടങ്ങിയവരും ചടങ്ങിൽ പങ്കെടുത്തു.
വിശിഷ്ടാതിഥികളെയും അതിഥികളെയും ഹെഡ് മാസ്റ്റർ അബ്ദുൽ റഷീദ് സ്വാഗതം ചെയ്തു. കുട്ടികളെ ബിരുദ തൊപ്പികളും ഗൗണുകളും സർട്ടിഫിക്കറ്റുകളും നൽകി ആദരിച്ചു. അധ്യാപകരുടെ നേതൃത്വത്തിൽ കുട്ടികൾ അവതരിപ്പിച്ച കലാപരിപാടികൾ ചടങ്ങിന് മാറ്റുകൂട്ടി. അനസ് ബിൻ സിദ്ദീഖ് നന്ദി പറഞ്ഞു. ഹെഡ് മാസ്റ്റർ അബ്ദുൽ റഷീദ്, മുഹമ്മദ് അൽതാഫ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.