ലി​ഖി​ത​ ച​രി​ത്ര​വുമായി അ​ൽ ഉ​ല ജ​ബ​ൽ ഇക്​മ

യാം​ബു: നൂ​റ്റാ​ണ്ടു​ക​ളു​ടെ ച​രി​ത്രം പ​റ​യു​ന്ന അ​ൽ ഉ​ല​യി​ലെ ജ​ബ​ൽ ഇ​ക്മ മ​ല​യി​ടു​ക്കു​ക​ൾ ച​രി​ത്ര​കു​തു​കി​ക​ളു​ടെ ഇ​ഷ്​​ട​കേ​ന്ദ്ര​മാ​കു​ന്നു.

ഇ​വി​ട​ത്തെ മ​ല​യി​ടു​ക്കു​ക​ളി​ലെ പാ​റ​ക​ളി​ലെ പു​രാ​ത​ന ലി​ഖി​ത​ങ്ങ​ൾ ച​രി​ത്ര​പ​ഠ​നം ന​ട​ത്തു​ന്ന വി​ദ്യാ​ർ​ഥി​ക​ളെ​യും ഗ​വേ​ഷ​ക​രെ​യും ഒ​രു​പോ​ലെ ആ​ക​ർ​ഷി​ക്കു​ന്നു. പ​ഴ​യ​കാ​ല നാ​ഗ​രി​ക​ത​യു​ടെ നേ​ർ​രൂ​പ​ങ്ങ​ൾ ത​ന്മ​യ​ത്വ​ത്തോ​ടെ ഇ​ന്നും ഇ​വി​ടെ കാ​ണാം. പേ​പ്പ​ർ​പോ​ലും ക​ണ്ടു​പി​ടി​ക്കാ​ത്ത കാ​ല​ഘ​ട്ട​ത്തി​ലെ വി​സ്‌​മ​യ​ക​ര​മാ​യ ഒ​ർ​മ​ക​ളി​ലേ​ക്കാ​ണ് ഇ​വി​ട​ത്തെ അ​പൂ​ർ​വ ലി​ഖി​ത​ങ്ങ​ളു​ടെ​യും വ​ര​ക​ളു​ടെ​യും കാ​ഴ്ച​ക​ൾ ന​മ്മെ കൊ​ണ്ടെ​ത്തി​ക്കു​ക.

ച​രി​ത്ര​പ​ര​വും സാം​സ്കാ​രി​ക​വു​മാ​യി ഏ​റെ പ്രാ​ധാ​ന്യ​മു​ള്ള ഈ ​പ്ര​ദേ​ശം ഇ​പ്പോ​ൾ അ​ധി​കൃ​ത​ർ 'ഓ​പ്പ​ൺ ലൈ​ബ്ര​റി' എ​ന്ന​നി​ല​യി​ൽ സ​ന്ദ​ർ​ശ​ക​ർ​ക്ക് കാ​ണാ​ൻ സൗ​ക​ര്യ​മൊ​രു​ക്കി​യി​രി​ക്കു​ന്നു. പ​ർ​വ​ത​ത്തി​ലു​ട​നീ​ളം വേ​റി​ട്ട രൂ​പ​ത്തി​ലും ഭാ​വ​ത്തി​ലും വൈ​വി​ധ്യ​മാ​ർ​ന്ന ലി​ഖി​ത​ങ്ങ​ൾ കാ​ണാം. ദാ​ദ​ൻ, ലി​ഹ്യാ​ൻ എ​ന്ന പു​രാ​ത​ന നാ​ഗ​രി​ക​ത​യു​ടെ ഭാ​ഗ​മാ​യ 500 ലി​ഖി​ത​ങ്ങ​ൾ ജ​ബ​ൽ ഇ​ക്മ​യി​ൽ ഉ​ണ്ടെ​ന്നാ​ണ് ച​രി​ത്ര​കാ​ര​ന്മാ​ർ രേ​ഖ​പ്പെ​ടു​ത്തി​യി​രി​ക്കു​ന്ന​ത്. പ​ർ​വ​ത​ത്തി​ൽ​നി​ന്നു​ള്ള ലി​ഖി​ത പാ​ഠ​ങ്ങ​ൾ ച​രി​ത്ര​കാ​ര​ന്മാ​രും പു​രാ​വ​സ്തു​ഗ​വേ​ഷ​ക​രും അ​ന്വേ​ഷ​ണം ന​ട​ത്തു​ക​യും ചി​ല​തെ​ല്ലാം വി​വ​ർ​ത്ത​നം ചെ​യ്യു​ക​യും ചെ​യ്തി​രു​ന്നു.

ബി.​സി ഒ​മ്പ​താം നൂ​റ്റാ​ണ്ടി​ലും പ​ത്താം നൂ​റ്റാ​ണ്ടി​ലും നി​ല​നി​ന്നി​രു​ന്ന ഭാ​ഷ​ക​ളി​ൽ​പെ​ട്ട അ​രാ​മി​ക്, സ​മൂ​ദി​ക്, ദാ​ദാ​നി​റ്റി​ക്, മി​നാ​ഇ​ൻ, ന​ബാ​തി​യ​ൻ, ഗ്രീ​ക്ക്, ലാ​റ്റി​ൻ, അ​റ​ബി​ക് എ​ന്നി​വ​യി​ൽ ഉ​ൾ​പ്പെ​ടു​ന്ന​വ​യാ​ണ് ലി​ഖി​ത​ങ്ങ​ൾ. ച​രി​ത്ര​കാ​ര​ന്മാ​ർ​ക്കും അ​റ​ബി ഭാ​ഷാ​ശാ​സ്ത്ര വി​ദ​ഗ്ധ​ർ​ക്കും പു​രാ​വ​സ്തു ഗ​വേ​ഷ​ക​ർ​ക്കും പ്ര​ധാ​ന മേ​ഖ​ല​യാ​യ ഈ ​പ​ർ​വ​തം അ​റ​ബി ഭാ​ഷ വ്യാ​പ​ക​മാ​കു​ന്ന​തി​നു മു​മ്പു​ള്ള ഒ​രു കാ​ല​ഘ​ട്ട​ത്തി​ലേ​ക്ക് തി​രി​ഞ്ഞു​നോ​ട്ടം ന​ട​ത്താ​ൻ വ​ഴി​വെ​ക്കു​ന്നു. നൂ​റ്റാ​ണ്ടു​ക​ൾ പ​ഴ​ക്ക​മു​ള്ള സ​മൂ​ഹം വ​ലി​യ ആ​യു​ധ​ങ്ങ​ളു​ടെ സ​ഹാ​യ​മി​ല്ലാ​തെ തീ​ർ​ത്ത കൊ​ത്തു​പ​ണി​ക​ളും ലി​ഖി​ത​ങ്ങ​ളും ക​ര​വി​രു​തും ഗം​ഭീ​ര​മാ​ണ്.

ഇ​വി​ടെ സ​ന്ദ​ർ​ശ​നം ന​ട​ത്തു​ന്ന വി​നോ​ദ​സ​ഞ്ചാ​രി​ക​ളും വി​ദേ​ശ സ​ന്ദ​ർ​ശ​ക​രും മ​ണി​ക്കൂ​റു​ക​ളോ​ളം പാ​റ​ക​ളി​ലെ ലി​ഖി​ത​ങ്ങ​ൾ വീ​ക്ഷി​ക്കു​ക​യും പു​രാ​ത​ന ഭാ​ഷ​യു​ടെ അ​തി​ലോ​ല​മാ​യ സാ​ങ്കേ​തി​ക വി​ദ്യ​ക​ൾ നി​രീ​ക്ഷി​ക്കു​ക​യും ചെ​യ്യു​ന്നു. ലി​ഖി​ത രൂ​പ​ങ്ങ​ളും രേ​ഖാ​ചി​ത്ര​ങ്ങ​ളും പ​ഴ​യ​കാ​ല സാം​സ്‌​കാ​രി​ക നാ​ഗ​രി​ക​ത​യു​ടെ അ​പൂ​ർ​വ​മാ​യ വി​ജ്ഞാ​ന​ത്തി​ലേ​ക്ക് വെ​ളി​ച്ചം വീ​ശു​ന്ന​താ​യി സ​ന്ദ​ർ​ശ​ക​ർ പ​റ​യു​ന്നു.

2017ൽ ​അ​ൽ ഉ​ല റോ​യ​ൽ ക​മീ​ഷ​ൻ ജ​ബ​ൽ ഇ​ക്മ സ​ന്ദ​ർ​ശ​നം നി​യ​ന്ത്രി​ച്ചി​രു​ന്നു.

പി​ന്നീ​ട് മൂ​ന്നു​വ​ർ​ഷ​ത്തി​നു​ശേ​ഷം പൊ​തു​ജ​ന​ങ്ങ​ൾ​ക്ക് സ​ന്ദ​ർ​ശി​ക്കാ​നു​ള്ള ത​യാ​റെ​ടു​പ്പ് പൂ​ർ​ത്തി​യാ​ക്കി തു​റ​ന്നു​കൊ​ടു​ക്കു​ക​യാ​യി​രു​ന്നു. ഇ​പ്പോ​ൾ അ​ൽ ഉ​ല പൗ​രാ​ണി​ക ന​ഗ​ര​ത്തി​ലെ ശേ​ഷി​പ്പു​ക​ൾ കാ​ണാ​നും വി​ജ്ഞാ​നം പ​ക​ർ​ത്താ​നും അ​ധി​കൃ​ത​ർ ഏ​റെ സൗ​ക​ര്യം ന​ൽ​കി​യി​രി​ക്കു​ന്നു.

മ​ദീ​ന​യി​ൽ​നി​ന്ന് 330 കി.​മീ​റ്റ​ർ ദൂ​ര​മു​ണ്ട് അ​ൽ ഉ​ല​യി​ലേ​ക്ക്.