ബുറൈദ: അല്‍ഖസീം പ്രവശ്യയിലെ അല്‍റസ്സിന് സമീപം വ്യാഴാഴ്ച വൈകീട്ട് നടന്ന വാഹനാപകടത്തില്‍ മലയാളി മരിച്ചു. തളിപ്പറമ്പ് ഇരങ്ങില്‍ സ്വദേശി
കല്ലുരിയകത്ത് അബ്ദുല്‍ ഖാദറാണ് (57) മരിച്ചത്. ഇദ്ദേഹം ഓടിച്ച വാഹനത്തിലെ സഹയാത്രികരായ ഉത്തരേന്ത്യൻ സംസ്ഥാനങ്ങളിൽ നിന്നുള്ള മൂന്ന് പേരെ പരിക്കുകളോടെ ആശുപത്രിയില്‍ പ്രവേശിപ്പിച്ചു. ദുല്‍അ റഷീദില്‍ നിന്ന് അല്‍റസ്സിലേക്ക് വരുേമ്പാൾ ഹംജ ഗ്രാമത്തില്‍ വെച്ച് തെറ്റായ ദിശയിൽ വന്ന സ്വദേശിയുടെ വാഹനം ഖാദറിെൻറ വാഹനത്തില്‍ ഇടിച്ചാണ് അപകടമുണ്ടായത്. നാലുപേരെയും അല്‍റസ്സ് ജനറല്‍ ആശുപത്രിയില്‍ എത്തിച്ചെങ്കിലും ഖാദറിെൻറ ജീവന്‍ രക്ഷിക്കാനായില്ല.
28 വര്‍ഷമായി അല്‍ഖസീമിെൻറ വിവിധ മേഖലകളില്‍ വസ്ത്ര വ്യാപാരം നടത്തിവരുകയായിരുന്നു. ഒരുകൊല്ലം മുമ്പാണ് അവസാനമായി നാട്ടില്‍ പോയി വന്നത്.ഭാര്യ: കുഞ്ഞാമിന. വിവാഹിതരായ ഖദീജ, നജ്മ, ഖൈറുന്നിസ, നാജിയ എന്നിവര്‍ മക്കളാണ്. മൃതദേഹം സൗദിയിൽ ഖബറടക്കും. അദ്ദേഹവുമായി വ്യാപാര സംബന്ധമായ സാമ്പത്തിക ഇടപാടുകള്‍ ഉള്ളവര്‍ 0533006695 എന്ന നമ്പറില്‍ മുഹമ്മദ് അസ്ലമിനെ ബന്ധപ്പെടണമെന്ന് ബന്ധുക്കള്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.