റിയാദ്: അവധിക്കു നാട്ടില് പോയ മലയാളി സ്വന്തം വീടിന് മുകളില് നിന്ന് വീണ് മരിച്ചു. തൃശ്ശൂര് ചെറുതുരുത്തി കിള്ളിമംഗലം സ്വദേശി പടിഞ്ഞാറേ പീടികയില് ഹൈദ്രോസ്-ജമീല ദമ്പതികളുടെ മകന് ഇസ്മാഈല് (37) ആണ് മരിച്ചത്. റിയാദില് ഈത്തപ്പഴ കച്ചവടം നടത്തിയിരുന്ന ഇദ്ദേഹം നാലു മാസം മുമ്പാണ് അവധിക്കു പോയത്. പുതിയ വിടീന്െറ നിര്മാണ പ്രവര്ത്തികള് നടക്കുന്നതിനിടെയാണ് അപകടം. കെട്ടിടത്തിനു മുകളില് ചെറിയ പണികള് ചെയ്യുന്നതിനിടെ കാലുതെറ്റി വീഴുകയായിരുന്നു. ഗുരുതര പരിക്കുപറ്റിയ ഇസ്മാഈലിനെ തൃശ്ശൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും രക്ഷിക്കാന് സാധിച്ചില്ല. നാലു ദിവസം തീവ്രപരിചരണ വിഭാഗത്തില് അബോധാവസ്ഥയില് കഴിഞ്ഞതിന് ശേഷമാണ് മരണം. ഭാര്യ: ഫൗസിയ. മക്കള്: സിനാന്, ജസ്ന, മിന്ഹാ ഫാത്തിമ. സഹോദരങ്ങള്: ഷമീറ, സലീന, ഷജീറ. അവധി കഴിഞ്ഞ് റിയാദിലേക്കു മടങ്ങിവരാനുള്ള ഒരുക്കത്തിലായിരുന്നു. മൃതദേഹം കിള്ളിമംഗലം ജുമാ മസ്ജിദ് ഖബര്സ്ഥാനില് മറവ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.