റിയാദ്: മയക്കു മരുന്ന് കടത്തിയതിന് പിടിയിലായ രണ്ടു സ്വദേശികളെ വധ ശിക്ഷക്ക് വിധേയരാക്കിയതായി ആഭ്യന്തര വകുപ്പ് അറിയിച്ചു.
തബൂക്കില് വ്യാഴാഴ്ച രാവിലെയാണ് ശിക്ഷ നടപ്പാക്കിയത്. മുഹമ്മദ് സുലൈമാന് അതാവി, മുഹമ്മദ് അബ്ദുല്ല അല് അതാവി എന്നിവരാണ് ശിക്ഷിക്കപ്പെട്ടത്.
കഴിഞ്ഞ വര്ഷം ചെക്പോസ്റ്റ് വഴി എംഫറ്റമീന് മയക്കു ഗുളികകള് കടത്തിയ കേസിലാണ് ഇരുവരും പിടിയിലായത്. വിചാരണ വേളയില് പ്രതികള് കുറ്റം സമ്മതിച്ചതിനെ തുടര്ന്നാണ് കോടതി വധശിക്ഷ വിധിച്ചത്.
പ്രതികള് അപ്പീല് പോയെങ്കിലും കീഴ്കോടതി വിധി സുപ്രീംകോടതി ശരിവെക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.