ഹഫറുല്ബാതിന്: കുവൈത്ത്-സൗദി അതിര്ത്തിയായ ഹഫറുല് ബാതിനില് കാറുകള് കൂട്ടിയിടിച്ച് സ്ത്രീയുള്പ്പെടെ നാലു പേര് മരിച്ചു. കുട്ടികളുള്പ്പെടെ ആറുപേര്ക്ക് പരിക്കേറ്റു. ഇതില് ചിലരുടെ നില ഗുരുതരമാണ്. ഹഫറുല് ബാതിനില് നിന്ന് കുവൈത്ത് റോഡില് 35 കി. മീറ്റര് ദൂരത്താണ് അപകടം നടന്നതെന്ന് കിഴക്കന് പ്രവിശ്യ റെഡ്ക്രസന്റ് വക്താവ് ഫഹദ് അല്ഗാംദി അറിയിച്ചു. ഹഫറുല് ബാതിനില് നിന്ന് കുവൈത്തിലേക്ക് പോയ കാര് എതിരെ വന്ന കാറുമായി കൂട്ടിയിടിക്കുകയായിരുന്നു. കാറിലുണ്ടായിരുന്ന കുട്ടികളിലൊരാള് വിളിച്ചറിയച്ചതനുസരിച്ചാണ് റെഡ്ക്രസന്റ് സ്ഥലത്തത്തെിയത്. ഇടിയുടെ ആഘാതത്തില് വാഹനങ്ങള് പൂര്ണമായി തകര്ന്നു. പരിക്കേറ്റവരെ റെഡ്ക്രസന്റ് ആംബുലന്സില് ഹഫറുല് ബാതിനിലെ കിങ് ഖാലിദ് ആശുപത്രിയില് പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.