ദമ്മാം: സൗദി അറേബ്യയുടെ കിഴക്കന് പ്രവിശ്യയിലുള്ള ഖതീഫില് ചെക്പോസ്റ്റിന് നേരെയുണ്ടായ ആക്രമണത്തില് ഒരാള് മരിച്ചു. രണ്ട് കുട്ടികള്ക്ക് പരിക്കേല്കുകയും ചെയ്തു. പരിക്കേറ്റവരെ ഖതീഫ് ജനറല് ആശുപത്രിയില് പ്രവേശിപ്പിച്ചു. ഇവര് അപകട നില തരണം ചെയ്തതായി പൊലീസ് വക്താവ് അറിയിച്ചു. ഞാറാഴ്ച രാത്രി ഖതീഫിലെ അവാമിയയിലാണ് ആക്രമണം നടന്നത്. അവാമിയയിലെ ചെക്ക് പോസ്റ്റിലേക്ക് അജ്ഞാതര് വെടിയുതിര്ക്കുകയായിരുന്നു. സംഭവത്തിനു ശേഷം മേഖലയില് കനത്ത സുരക്ഷ എര്പെടുത്തിയിട്ടുണ്ട്. ദമ്മാമില് നിന്ന് ഖതീഫിലേക്കുള്ള പ്രധാന വഴി ഒഴികെയുള്ള എല്ലാ റോഡുകളും പൊലീസ് അടച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.