റിയാദ്: റിയാദ്^ദമ്മാം ഹൈവേയില് ഖുറൈസിന് സമീപം റോഡുമുറിച്ചു കടക്കവേ കാറിടിച്ച് എറണാകുളം സ്വദേശി മരിച്ചു. കളമശേരി പള്ളിയങ്കര പടിഞ്ഞാറേ ഓലപ്പിള്ളി അബ്ദുല് ഖാദര് ആണ് മരിച്ചത്. ഇന്ന് പുലര്ച്ചെ മൂന്നു മണിയോടെയായിരുന്നു അപകടം. സുഹൃത്തായ പി.വി മുജീബിനൊപ്പം ദമ്മാമിലേക്ക് പുറപ്പെട്ടതായിരുന്നു അബ്ദുല് ഖാദര്. യാത്രക്കിടെ കാര് നിര്ത്തി ചായ കുടിക്കാന് റോഡുമുറിച്ചു കടക്കവെ ഹെഡ് ലൈറ്റ് ഇല്ലാതെ പാഞ്ഞുവന്ന കാര് ഇടിച്ചു തെറിപ്പിക്കുകയായിരുന്നു. തല്ക്ഷണം മരണം സംഭവിച്ചു. മൃതദേഹം അല് അഹ്സ കിങ് ഫഹദ് ആശുപത്രിയില്. നജ്മയാണ് അബ്ദുല് ഖാദറിന്െറ ഭാര്യ. മക്കള്: നദ, നബീല (എന്ജിനീയറിങ് വിദ്യാര്ഥിനി). മരുമകന്: അബ്ദുല് ബാസിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.