ജിദ്ദ: കഴിഞ്ഞ ശനിയാഴ്ച മഹ്ജര് പാലം മുറിച്ച് കടക്കുന്നതിനിടെ സ്വദേശി പൗരന് ഓടിച്ച വാഹനംതട്ടി പരിക്കേറ്റ് ചികിത്സയിലായിരുന്ന മലയാളി മരിച്ചു. മലപ്പുറം മൂന്നിയൂര് ചുഴലി സ്വദേശി അമ്മാം വീട്ടില് മൂസയാണ് (48) മരിച്ചത്. അവധി കഴിഞ്ഞ് നാട്ടില് നിന്ന് തിരിച്ചത്തെിയ അദ്ദേഹം ഉംറ കഴിഞ്ഞ് മടങ്ങി വരുമ്പോഴാണ് അപകടം. 19 വര്ഷമായി മഹ്ജര് ഗ്രീന് ഹൗസ് റെസ്റ്റോറന്റ് ജീവനക്കാരനായിരുന്നു. പരേതനായ ഇബ്രാഹീമിന്െറ മകനാണ്. മാതാവ്: ആയിശ. ഭാര്യ: സൈനബ. മക്കള്: അഷ്റഫ്, മുഹമ്മദ് നിഷാദ്, ഫായിസ തസ്നീം. സഹേദരങ്ങള്: ഹംസ (തബൂഖ്), സൈതലവി (വാദി ദവാസിര്), അഹമ്മദ്, അബൂബക്കര്, ഫാത്തിമ. വിവരം അറിഞ്ഞ് സഹോദരങ്ങളായ ഹംസ, സൈതലവി എന്നിവര് ജിദ്ദയില് എത്തിയിട്ടുണ്ട്. കിങ് അബ്ദുല് അസീസ് ആശുപത്രി മോര്ച്ചറിയില് സൂക്ഷിച്ച മൃതദേഹം തിങ്കളാഴ്ച ജിദ്ദയില് ഖബറടക്കുമെന്ന് ബന്ധുക്കള് അറിയിച്ചു. സഹായങ്ങള്ക്ക് ജിദ്ദ കെ.എം.സി.സി സെക്രട്ടറി മജീദ് പുകയൂര്, കുഞ്ഞസന് തുടങ്ങിയവര് രംഗത്തുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.