ടെഡി റിനർ; ദി ജൂഡോ കിങ്

ദോ​ഹ: 130 കി​ലോ ശ​രീ​ര​ഭാ​രം, ആ​റ​ടി എ​ട്ടി​ഞ്ച് ഉ​യ​ര​ത്തി​ൽ ട​വ​റു​പോ​ലെ ത​ല​പ്പൊ​ക്കം. കൈ​ക​ൾ ആ​ഞ്ഞു​വീ​ശി ന​ട​ന്നു​വ​രു​ന്ന ഈ ​അ​തി​കാ​യ​​ൻ മു​ന്നി​ലെ​ത്തു​മ്പോ​ൾ ത​ന്നെ എ​തി​രാ​ളി​ക്ക് മു​ട്ടു​വി​റ​ക്കും. ഫു​ട്ബാ​ളി​ൽ പെ​ലെ​യും മ​റ​ഡോ​ണ​യും പോ​ലെ, ക്രി​ക്ക​റ്റി​ൽ സ​ച്ചി​നോ ബ്ര​യ​ൽ ലാ​റ​യെ​യോ പോ​ലെ ജൂ​ഡോ​യു​ടെ ഇ​തി​ഹാ​സ​മെ​ന്ന് ഫ്ര​ഞ്ചു​കാ​ര​നാ​യ ടെ​ഡി പി​യ​റി റി​ന​റി​നെ ഒ​റ്റ​വാ​ക്കി​ൽ വി​ശേ​ഷി​പ്പി​ക്കാം. ഖ​ത്ത​റി​ൽ ക​ഴി​ഞ്ഞ എ​ട്ടു ദി​വ​സ​മാ​യി ന​ട​ന്ന ലോ​ക ജൂ​ഡോ ചാ​മ്പ്യ​ൻ​ഷി​പ്പി​ൽ ആ​രാ​ധ​ക ലോ​കം ഏ​റെ ആ​ഘോ​ഷ​ത്തോ​ടെ​യാ​യി​രു​ന്നു ഈ ​വ​ലി​യ മ​നു​ഷ്യ​ന്റെ പോ​രാ​ട്ട​ങ്ങ​ൾ​ക്കാ​യി കാ​ത്തി​രു​ന്ന​ത്. 100 കി​ലോ പ്ല​സ് വി​ഭാ​ഗ​ത്തി​ൽ മ​ത്സ​രി​ച്ച ടെ​ഡി റി​ന​ർ ദോ​ഹ​യി​ലെ മ​ത്സ​ര​ക്ക​ളം വി​ട്ട​പ്പോ​ഴും ആ​രാ​ധ​ക​രു​ടെ പ്ര​തീ​ക്ഷ തെ​റ്റി​ച്ചി​ല്ല. ത​ന്റെ 11ാമ​ത് ലോ​ക ചാ​മ്പ്യ​ൻ​ഷി​പ് സ്വ​ർ​ണ നേ​ട്ടം എ​ന്ന തി​ള​ക്ക​ത്തോ​ടെ ടെ​ഡി റി​ന​റു​ടെ പോ​രാ​ട്ട​വീ​ര്യ​ത്തി​ന് 34ാം വ​യ​സ്സി​ലും ഇ​ള​ക്ക​മി​ല്ല.

അ​ലി ബി​ൻ ഹ​മ​ദ് അ​ൽ അ​തി​യ്യ അ​റി​ന​യി​ൽ​നി​ന്നും ടെ​ഡി​യു​ടെ ക​രി​യ​റി​ലെ 11ാം ലോ​ക ചാ​മ്പ്യ​ൻ​ഷി​പ് സ്വ​ർ​ണ​മാ​ണ് ല​ഭി​ച്ച​ത്. അ​താ​വ​ട്ടെ, ആ​റു​വ​ർ​ഷ​ത്തെ ഇ​ട​വേ​ള​ക്കു​ശേ​ഷ​വും. 2017ൽ ​മൊ​റോ​ക്കോ​യി​ലെ മ​റാ​കേ​ഷി​ൽ ന​ട​ന്ന ലോ​ക​ചാ​മ്പ്യ​ൻ​ഷി​പ്പി​ൽ അ​വ​സാ​ന​മാ​യി സ്വ​ർ​ണം നേ​ടി​യ ടെ​ഡി ആ​റു വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​ണ് ത​ന്നെ​ക്കാ​ൾ പ്രാ​യം കു​റ​ഞ്ഞ എ​തി​രാ​ളി​ക​ളെ പു​ഷ്പം പോ​ലെ മ​ല​ർ​ത്തി​യ​ടി​ച്ച​ത്. മൂ​ന്ന് ഒ​ളി​മ്പി​ക്സ് സ്വ​ർ​ണം, 11 ലോ​ക ചാ​മ്പ്യ​ൻ​ഷി​പ് സ്വ​ർ​ണം, അ​ഞ്ച് യൂ​റോ​പ്യ​ൻ ചാ​മ്പ്യ​ൻ​ഷി​പ് സ്വ​ർ​ണം, വേ​ൾ​ഡ് മാ​സ്റ്റേ​ഴ്സി​ൽ നാ​ല് സ്വ​ർ​ണ​വും ഐ.​ജെ.​എ​ഫ് ഗ്രാ​ൻ​ഡ് പ്രി​യി​ൽ ആ​റ് സ്വ​ർ​ണ​വും... 100 പ്ല​സ് കി​ലോ വി​ഭാ​ഗ​ത്തി​ൽ ക​ഴി​ഞ്ഞ പ​ത്തു​വ​ർ​ഷ​​ത്തി​ലേ​റെ​യാ​യി ക​ളം വാ​ഴു​ന്ന ടെ​റി റി​നേ​റി​നെ വെ​ല്ലു​വി​ളി​ക്കാ​ൻ ഇ​പ്പോ​ഴും ആ​ളി​ല്ലെ​ന്ന് തെ​ളി​യി​ക്കു​ന്ന​താ​ണ് ദോ​ഹ​യി​ലെ പ്ര​ക​ട​നം.

‘ദി ​കി​ങ് ഈ​സ് ബാ​ക്ക്’ എ​ന്ന ത​ല​ക്കെ​ട്ടോ​ടെ​യാ​യി​രു​ന്നു ടെ​ഡി റി​നേ​റു​ടെ സ്വ​ർ​ണ​നേ​ട്ട​ത്തെ ലോ​ക മാ​ധ്യ​മ​ങ്ങ​ൾ വി​ശേ​ഷി​പ്പി​ച്ച​ത്.

ക​ഴി​ഞ്ഞ ഏ​താ​നും വ​ർ​ഷം ലോ​ക​ചാ​മ്പ്യ​ൻ​ഷി​പ്പി​ൽ​നി​ന്നും വി​ട്ടു​നി​ന്ന താ​രം അ​ൺ​സീ​ഡ് ​പ്ലെ​യ​ർ ആ​യാ​ണ് ദോ​ഹ​യി​ലെ​ത്തി​യ​ത്. ഒ​ന്നാം റൗ​ണ്ട് മു​ത​ൽ എ​തി​രാ​ളി​ക​ളെ മ​ല​ർ​ത്തി​യ​ടി​ച്ച് കു​തി​ച്ച​പ്പോ​ൾ ജൂ​ഡോ ​പ്രേ​മി​ക​ൾ ഇ​തി​ഹാ​സ താ​ര​ത്തി​ന് ബാ​ന​റു​ക​ളു​മാ​യി ഗാ​ല​റി​യി​ലേ​ക്ക് കു​തി​ച്ചു. റ​ഷ്യ​യു​ടെ ഇ​നാ​ൽ ത​സോ​വി​നെ ഫൈ​ന​ലി​ൽ വീ​ഴ്ത്തി​യാ​യി​രു​ന്നു കി​രീ​ട നേ​ട്ടം. സെ​മി​ഫൈ​ന​ലി​ൽ ത​ജി​കി​സ്താ​ന്റെ ലോ​ക ഒ​ന്നാം ന​മ്പ​റു​കാ​ര​നാ​യ തി​മു​ർ റ​ഖി​മോ​വി​നെ വെ​റും 30 സെ​ക്ക​ൻ​ഡി​ലാ​യി​രു​ന്നു റി​ന​ർ നി​ലം​പ​റ്റി​ച്ച​ത്.

2012, 2016 ഒ​ളി​മ്പി​ക്സ് വ്യ​ക്തി​ഗ​ത ചാ​മ്പ്യ​നും 2020 ടോ​ക്യോ​വി​ൽ വെ​ങ്ക​ല​വും നേ​ടി​യ ടെ​ഡി റി​ന​ർ ഇ​തേ മി​ക​വു​മാ​യി അ​ടു​ത്ത വ​ർ​ഷം പാ​രി​സ് ഒ​ളി​മ്പി​ക്സി​ൽ ഒ​രു കൈ​നോ​ക്കാ​നു​ള്ള ത​യാ​റെ​ടു​പ്പി​ലാ​ണി​പ്പോ​ൾ. 2007ൽ ​ആ​ദ്യ​മാ​യി ലോ​ക​ചാ​മ്പ്യ​ൻ​ഷി​പ് സ്വ​ർ​ണം നേ​ടു​മ്പോ​ൾ 18 വ​യ​സ്സാ​യി​രു​ന്നു റി​ന​റു​ടെ പ്രാ​യം. പി​ന്നീ​ട്, 2008, 2009, 10, 11, 13, 14, 15, 17 വ​ർ​ഷ​ങ്ങ​ളി​ൽ ലോ​ക​കി​രീ​ട​മ​ണി​ഞ്ഞ് റെ​ക്കോ​ഡ് കു​റി​ച്ച ഏ​ക​താ​ര​മാ​യി മാ​റി.