ദോഹ: സംസ്കൃതി ഖത്തർ ആഭിമുഖ്യത്തിൽ നടന്ന സംസ്കൃതി പ്രീമിയർ ലീഗ് ക്രിക്കറ്റിൽ ഹനാൻ ക്ലബ് ജേതാക്കളായി. ഫൈനലിൽ യമ്മി ടേസ്റ്റ് റസ്റ്റാറന്റ് ടീമിനെ പരാജയപ്പെടുത്തിയാണ് ജേതാക്കളായത്. ടൂർണമെന്റിലുടനീളം മികച്ച ബാറ്റിങ് പ്രകടനം പുറത്തെടുത്ത ഹനാൻ ക്ലബിന്റെ മുഹമ്മദ് സക്കീർ ഫൈനലിൽ മാൻ ഓഫ് ദ മാച്ചും ടൂർണമെന്റിലെ മികച്ച ബാറ്ററുമായി. യമ്മി ടേസ്റ്റ് റസ്റ്റാറന്റ് ടീമിന്റെ സീഷാൻ ഷാനി മികച്ച ബൗളറും, പ്ലേയർ ഓഫ് ദ ടൂർണമെന്റുമായി. ഫൈനൽ മത്സരത്തിൽ ഖത്തർ വിമൻസ് ക്രിക്കറ്റ് ടീമംഗം സബീജ എ.പി മുഖ്യാതിഥിയായി പങ്കെടുത്തു.
സംസ്കൃതി ജനറൽ സെക്രട്ടറി ഷംസീർ അരിക്കുളം, കേരള പ്രവാസി ക്ഷേമനിധി ഡയറക്ടർ ഇ.എം സുധീർ, സംസ്കൃതി ഭാരവാഹികളായ നിതിൻ എസ്.ജി, ശിഹാബ് തൂണേരി, ബിജു പി. മംഗലം, സുനീതി സുനിൽ, അബ്ദുൽ അസീസ്, മുൻ ഭാരവാഹികളായ എ. സുനിൽ, സാൾട്ടസ് സാമുവൽ, സ്പോർട്സ് കമ്മിറ്റി കൺവീനർ മനാഫ് ആറ്റുപുറം, സൗത്ത് മേഖല ഭാരവാഹികളായ ജിജേഷ് കൊടക്കൽ, റിജോ, ദോഹ സെന്റർ യൂനിറ്റ് ഭാരവാഹികൾ ആയ വൈശാഖ്, മനോജ്, എസ്.പി.എൽ കൺവീനർ രാഹുൽ, വളന്റിയർ ക്യാപ്റ്റൻ മിജു തുടങ്ങിയവർ ചേർന്ന് വിജയികൾക്ക് ട്രോഫികളും മെഡലുകളും വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.