തുനീഷ്യക്കുള്ള ഖത്തറിെൻറ മെഡിക്കൽ സഹായങ്ങളുമായി വിമാനം തുനീഷ്യയിലെത്തിയപ്പോൾ
ദോഹ: കോവിഡിനെതിരായ പോരാട്ടത്തിൽ തുനീഷ്യക്ക് ഖത്തറിെൻറ വക 200 കിടക്കകളും 100 വെൻറിലേറ്റർ സംവിധാനങ്ങളുമായി വിശാലമായ ഫീൽഡ് ഹോസ്പിറ്റൽ.
ഖത്തർ അമീർ ശൈഖ് തമിം ബിൻ ഹമദ് ആൽഥാനിയുടെ പ്രത്യേക നിർദേശ പ്രകാരം ആശുപത്രിക്കുള്ള മുഴുവൻ സജ്ജീകരണങ്ങളുമായി ദോഹയിൽ നിന്നും വ്യോമ സേനയുടെ രണ്ട് വിമാനങ്ങൾ തുനീഷ്യയിലെത്തി.
ആശുപത്രിക്കാവശ്യമായ മുഴുവൻ സജ്ജീകരണങ്ങളുമായാണ് വിമാനങ്ങൾ പറന്നിറങ്ങിയത്. ഇതിനു പുറമെ മരുന്നുകളും ഉൾപ്പെടുന്നു.
കോവിഡ് മഹാമാരിയിൽ വലയുന്ന രാജ്യങ്ങളോട് ഐക്യപ്പെടുക, അവർക്ക് വേണ്ട സഹായമെത്തിക്കുക എന്ന തീരുമാനത്തിെൻറ ഭാഗമായാണ് തുനീഷ്യക്ക് ഖത്തറിെൻറ സഹായം. കഴിഞ്ഞ ദിവസം ഖത്തർ അംബാസഡർ സാദ് നസിർ ഹമിദിയും, തുനീഷ്യൻ പ്രധാനമന്ത്രി ഹിഷം മെഷിഷിയും കൂടിക്കാഴ്ച നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.