പ്ര​ള​യ​ത്തി​ൽ വീ​ട്​ ന​ഷ്​​ട​പ്പെ​ട്ട​വ​ർ​ക്ക്​ ത​ണ​ലൊ​രു​ക്കി ഖ​ത്ത​ർ ഇ​ൻ​കാ​സ്

ദോ​ഹ: ​പ്ര​ള​യ​ത്തി​ൽ എ​ല്ലാം ന​ഷ്​​ട​പ്പെ​ട്ട​വ​ർ​ക്ക്​ ക​നി​വി​െൻറ ചി​റ​കി​നാ​ൽ ത​ണ​ലൊ​രു​ക്കി ഖ​ത്ത​ർ ഇ​ൻ​കാ​സ്. പ്ര​ള​യ​ത്തി​ൽ വീ​ട്​ ന​ഷ്​​ട​പ്പെ​ട്ട​വ​ർ​ക്കാ​യി വ​യ​നാ​ട്ടി​ലെ പ​ന​മ​രം കൂ​ളി​വ​യ​ലി​ലാ​ണ്​ 12 വീ​ടു​ക​ൾ ഇ​ൻ​കാ​സ്​ പൂ​ർ​ത്തി​യാ​ക്കി കൈ​മാ​റി​യ​ത്​. 'ഹൃ​ദ​യ​പൂ​ർ​വം ദോ​ഹ'​എ​ന്ന പേ​രി​ൽ ഖ​ത്ത​റി​ൽ ന​ട​ത്തി​യ ക​ൾ​ച​റ​ൽ പ്രോ​ഗ്രാ​മി​ലൂ​ടെ ക​ണ്ടെ​ത്തി​യ പ​ണ​വും ഉ​ദാ​ര​മ​തി​ക​ളി​ലൂ​ടെ ശേ​ഖ​രി​ച്ച പ​ണ​വും, സാ​ധാ​ര​ണ​ക്കാ​രാ​യ ഇ​ൻ​കാ​സ് പ്ര​വ​ർ​ത്ത​ക​രു​ടെ സ​മ്പാ​ദ്യ​വു​മാ​യി​രു​ന്നു വീ​ട് നി​ർ​മാ​ണ​ത്തി​ന് സ​ഹാ​യ​ക​ര​മാ​യ​ത്.

കോ​വി​ഡ് പ്ര​തി​സ​ന്ധി മൂ​ലം ലോ​കം മു​ഴു​വ​ൻ സാ​മ്പ​ത്തി​ക ബു​ദ്ധു​മു​ട്ടു​ക​ളി​ലൂ​ടെ ക​ട​ന്നു​പോ​കു​ന്ന​തി​നി​ട​യി​ലും നി​ശ്ചി​ത സ​മ​യ​ത്തി​നു​ള്ളി​ൽ​ത​ന്നെ ആ​വ​ശ്യ​മാ​യ ഫ​ർ​ണി​ച​റും ഗൃ​ഹോ​പ​ക​ര​ണ​ങ്ങ​ളും അ​ട​ക്കം പൂ​ർ​ണ സ​ജ്ജ​മാ​ക്കി​യാ​ണു ക​ഴി​ഞ്ഞ ദി​വ​സം വീ​ടു​ക​ൾ കൈ​മാ​റി​യ​ത്. കൂ​ളി​വ​യ​ൽ ബി.​എം.​ജെ വി​ല്ലേ​ജി​ലാ​ണ്​ ഇ​ൻ​കാ​സ് ചീ​ഫ് പാ​ട്ര​നും ഒ.​ഐ.​സി.​സി ഗ്ലോ​ബ​ൽ പ്ര​സി​ഡ​ൻ​റു​മാ​യി​രു​ന്ന അ​ന്ത​രി​ച്ച സി.​കേ. മേ​നോ​െൻറ പേ​രി​ൽ ഇ​ൻ​കാ​സ്​ ഖ​ത്ത​ർ വീ​ടു​ക​ൾ പ​ണി​ത​ത്. രാ​ഹു​ല്‍ഗാ​ന്ധി എം.​പി താ​ക്കോ​ൽ​ദാ​നം ന​ട​ത്തി.

വീ​ടി​ല്ലാ​തെ ദു​രി​തം അ​നു​ഭ​വി​ക്കു​ന്ന​വ​രെ​യൊ​ക്കെ കൈ​പി​ടി​ച്ചു​യ​ര്‍ത്താ​ൻ ന​മു​ക്ക്​ ക​ഴി​യ​ണ​മെ​ന്ന്​ അ​ദ്ദേ​ഹം പ​റ​ഞ്ഞു. വ​യ​നാ​ട്ടി​ല്‍ വീ​ടി​ല്ലാ​ത്ത ഒ​രാ​ള്‍ പോ​ലു​മു​ണ്ടാ​ക​രു​തെ​ന്ന ചി​ന്ത​യോ​ടെ പ്ര​വ​ര്‍ത്തി​ക്ക​ണം. വെ​ള്ള​പ്പൊ​ക്ക​വും പ്ര​ള​യ​വും വ​യ​നാ​ട്ടു​കാ​ര്‍ക്കി​ട​യി​ല്‍ കൂ​ട്ടാ​യ്മ വ​ള​ര്‍ത്തി. ആ ​ഐ​ക്യം വീ​ടി​ല്ലാ​തെ ക​ഷ്​​ട​പ്പെ​ടു​ന്ന​വ​രെ ഉ​യ​ര്‍ത്തി​ക്കൊ​ണ്ടു​വ​രാ​ന്‍ ഉ​പ​യോ​ഗ​പ്പെ​ടു​ത്ത​ണം.

സ​ര്‍ക്കാ​റി​ന്​ മു​ന്നി​ല്‍ ശ​ക്ത​മാ​യ സ​മ്മ​ർ​ദം ചെ​ലു​ത്തു​മെ​ന്നും അ​ദ്ദേ​ഹം പ​റ​ഞ്ഞു. വീ​ട് ല​ഭി​ച്ച​വ​രു​ടെ പു​ഞ്ചി​രി ഏ​റെ സ​ന്തോ​ഷ​മു​ണ്ടാ​ക്കു​ന്ന​താ​ണ്.

ന​ന്മ നി​റ​ഞ്ഞ പ്ര​വൃ​ത്തി​ക​ളാ​ണ് ഖ​ത്ത​ർ ഇ​ന്‍കാ​സ് ന​ട​ത്തു​ന്ന​തെ​ന്നും അ​ദ്ദേ​ഹം പ​റ​ഞ്ഞു. 12 വീ​ടു​ക​ളും ക​യ​റി​യി​റ​ങ്ങി ക​ണ്ട ശേ​ഷ​മാ​യി​രു​ന്നു രാ​ഹു​ല്‍ഗാ​ന്ധി മ​ട​ങ്ങി​യ​ത്.

തു​ട​ർ​ന്ന് ന​ട​ന്ന പൊ​തു​യോ​ഗ​ത്തി​ൽ ഇ​ൻ​കാ​സ് ഖ​ത്ത​ർ സെ​ൻ​ട്ര​ൽ ക​മ്മി​റ്റി പ്ര​സി​ഡ​ൻ​റ് സ​മീ​ർ ഏ​റാ​മ​ല അ​ധ്യ​ക്ഷ​ത​വ​ഹി​ച്ചു. എ.​ഐ.​സി.​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലും കെ.​പി.​സി.​സി വ​ർ​ക്കി​ങ് പ്ര​സി​ഡ​ൻ​റ്​ കെ. ​സു​ധാ​ക​ര​നും സം​സാ​രി​ച്ചു. ബെ​ഹ്സാ​ദ് ഗ്രൂ​പ് ചെ​യ​ർ​മാ​ൻ ജെ.​കെ. മേ​നോ​ൻ വി​ഡി​യോ കോ​ൺ​ഫ​റ​ൻ​സി​ലൂ​ടെ ആ​ശം​സ​ക​ൾ നേ​ർ​ന്നു. ബി.​എം.​ജെ ചെ​യ​ർ​മാ​ൻ അ​ബ്​​ദു​ൽ മ​ജീ​ദ് സ്വാ​ഗ​ത​വും 'ഹൃ​ദ​യ​പൂ​ർ​വം ദോ​ഹ' ചെ​യ​ർ​മാ​ൻ ആ​ഷി​ഖ് അ​ഹ​മ്മ​ദ് ന​ന്ദി​യും പ​റ​ഞ്ഞു.