യൂത്ത് ഫോറം സംഘടിപ്പിച്ച എം.കെ സൂപ്പർ ലീഗിൽ ജേതാക്കളായ കിങ്സ് യർമൂക്ക് ടീം ട്രോഫിയുമായി
ദോഹ: യൂത്ത് ഫോറം ഖത്തർ മദീന ഖലീഫ സോൺ സംഘടിപ്പിച്ച എം.കെ സൂപ്പർ ലീഗിൽ കിങ്സ് യർമൂക്ക് ജേതാക്കളായി. അബുഹമൂറിൽ നടന്ന ഫൈനലിൽ രണ്ടിനെതിരെ മൂന്ന് ഗോളുകൾക്ക് റോയൽ സദ്ദിനെയാണ് പരാജയപ്പെടുത്തിയത്. ഒരു മാസക്കാലമായി നീണ്ട ലീഗ് മത്സരങ്ങളിൽ മൊത്തം ഏഴ് ടീമുകൾ പങ്കെടുത്തു. ടൂർണമെൻറിലെ മികച്ച താരമായി കിങ്സ് യർമൂക്ക് ക്യാപ്റ്റൻ ശഫീഖലിയെയും ഏറ്റവും കൂടുതൽ ഗോൾ നേടിയ കളിക്കാരനായി സുഹൈലിനെയും മികച്ച ഗോൾ കീപ്പറായി റോയൽ സദ്ദിെൻറ ഷാജഹാനെയും തിരഞ്ഞെടുത്തു.
ജനറേഷൻ അമേസിങ് വർക്കേഴ്സ് അംബാസഡർ സി.പി. സാദിഖ്, യൂത്ത് ഫോറം ആക്ടിങ് വൈസ് പ്രസിഡൻറ് ഉസ്മാൻ, ജനറൽ സെക്രട്ടറി അബ്ദുൽ ബാസിത്ത്, മദീന ഖലീഫ സോൺ മേഖല പ്രസിഡൻറ് പി.സി. മർഷദ്, സ്പോർട്സ് വിങ് കൺവീനർ ഹബീബ്, മീഡിയ കോഒാഡിനേറ്റർ ഫലാഹ്, സ്പോർട്സ് വിങ് അസിസ്റ്റൻറ് കൺവീനർ ഷിബ്ലു റഹ്മാൻ, സൂപ്പർ ലീഗ് കോഒാഡിനേറ്റർ റിയാസ് എന്നിവർ വിജയികൾക്കുള്ള സമ്മാനങ്ങൾ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.