മാഫ് ഖത്തർ ഓണാഘോഷം ഐ.സി.ബി.എഫ് പ്രസിഡന്റ്
ഷാനവാസ് ബാവ ഉദ്ഘാടനം ചെയ്യുന്നു
ദോഹ: മടപ്പള്ളി അലുമ്നി ഫോറം ഖത്തർ ഓണാഘോഷം വക്റ ബർവ്വ വില്ലേജിലെ കാലിക്കറ്റ് ടേസ്റ്റ് റസ്റ്റാറന്റ് ഹാളിൽ നടന്നു. ഓണാഘോഷ പരിപാടി ഐ.സി.ബി.എഫ് പ്രസിഡന്റ് സി.എ. ഷാനവാസ് ബാവ ഉദ്ഘാടനം ചെയ്തു.
മാഫ് ഖത്തർ ജനറൽ സെക്രട്ടറി കെ.ടി. യോജിഷ് സ്വാഗതം പറഞ്ഞു. പ്രസിഡന്റ് ഷംസുദ്ദീൻ കൈനാട്ടി അധ്യക്ഷത വഹിച്ചു. അഡ്വൈസറി ബോർഡ് ചെയർമാൻ കെ.കെ. മുസ്തഫ ഹാജി മുഖ്യ പ്രഭാഷണം നടത്തി.
വൈസ് ചെയർമാൻ പത്മരാജ് കൈനാട്ടി, മാഫ് ഖത്തർ ഭാരവഹികളായ പ്രശാന്ത് ഒഞ്ചിയം, ഷമീർ മടപ്പള്ളി, ചന്ദ്രശേഖരൻ കൊളങ്ങട്ട്, റയീസ് മടപ്പള്ളി, ശിവൻ വള്ളിക്കാട്, മുനീർ ബേബിലാൻഡ് എന്നിവർ ആശംസ നേർന്നു. അൽത്താഫ് വള്ളിക്കാടിന്റെ നേതൃത്വത്തിൽ സംഗീതമേളം അരങ്ങേറി. ഓണസദ്യയും കലാപരിപാടികളുമായി സജീവമായ ആഘോഷങ്ങൾക്ക് ഗോപകുമാർ വള്ളിക്കാട്, ശറഫുദ്ദീൻ വെള്ളികുളങ്ങര, മഹറൂഫ് ഏരോത്ത്, ജിതേഷ് രയരങ്ങോത്ത്, നൗഷാദ് മടപ്പള്ളി, വിപിൻ മടപ്പള്ളി, നിസാർ ചാലിൽ, ബൈജു മായ, അൻസാരി വെള്ളികുളങ്ങര, പ്രതീഷ് ലാലു മണ്ടോടി, സഫ്വാൻ വെള്ളികുളങ്ങര എന്നിവർ നേതൃത്വം നൽകി. ട്രഷറർ മദനി വള്ളിക്കാട് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.