സി.ഐ.സി മദീന ഖലീഫ സോൺ പ്രവാചക കാമ്പയിനിന്റെ ഭാഗമായി നടത്തിയ മത്സര വിജയികൾക്ക് സമ്മാനം വിതരണം ചെയ്യുന്നു
ദോഹ: സെന്റർ ഫോർ ഇന്ത്യൻ കമ്യൂണിറ്റി മദീന ഖലീഫ സോൺ നടത്തിയ 'ഇതാണ്, ആ പ്രവാചകൻ' കാമ്പയിൻ സമാപിച്ചു.
സമാപന സമ്മേളനത്തിൽ ശാന്തിനികേതൻ ഇന്ത്യൻ സ്കൂൾ വൈസ് പ്രിൻസിപ്പൽ ഡോ. സലിൽ ഹസൻ മുഖ്യപ്രഭാഷണം നിർവഹിച്ചു. 'റബീഉൽ അവൽ - പ്രവാചക ജീവിതം: ഒരു രാഷ്ട്രീയ സ്ട്രാറ്റജിക് വായന'എന്ന വദ്ദാഹ് ഖൻഫറിന്റെ ഗ്രന്ഥം പരിഭാഷപ്പെടുത്തിയ ഹുസൈൻ കടന്നമണ്ണ പുസ്തകം പരിചയപ്പെടുത്തി. സോണൽ പ്രസിഡന്റ് റഹീം ഓമശ്ശേരി അധ്യക്ഷനായി. ഖുർആൻ കാവ്യാവിഷ്കാരമായ 'അമൃതവാണി'യിൽ നിന്ന് പാരായണം ചെയ്തു ജയൻ മടിക്കൈ പരിപാടിക്ക് തുടക്കം കുറിച്ചു. അശോക് കുമാർ, ജയപ്രകാശ്, റഫാത്ത് കെ എന്നിവർ പ്രവാചക മദ്ഹ് ഗാനങ്ങൾ ആലപിച്ചു. കാമ്പയിന്റെ ഭാഗമായി നടത്തിയ പ്രവാചക മദ്ഹ് ഗാന മത്സരത്തിലെ വിജയികളെ പ്രഖ്യാപിച്ചു.
യഥാക്രമം അശോക് കുമാർ, ജയപ്രകാശ്, അപർണ മനീഷ് എന്നിവർ ഒന്നും രണ്ടും മൂന്നും സ്ഥാനം നേടി.
ജോൺസൺ ബ്രഹ്മകുളം, ബിനേഷ് വാസു, ജയൻ മടിക്കൈ എന്നിവർ പ്രോത്സാഹന സമ്മാനം നേടി. ഡോ. സലിൽ ഹസൻ, ഹുസൈൻ കടന്നമണ്ണ, റഹീം ഓമശ്ശേരി എന്നിവർ സമ്മാന വിതരണം നിർവഹിച്ചു. സൗഹൃദവിരുന്ന് ഒരുക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.