ദോഹ: ഫിഫ അറബ് കപ്പിനെത്തുന്ന കുട്ടികളായ കാണികൾക്ക് കോവിഡ് പരിശോധന എളുപ്പമാക്കാൻ നടപടികളുമായി അധികൃതർ. അഞ്ച് പ്രാഥമിക ആരോഗ്യ കേന്ദ്രങ്ങളിൽ ഇതിന് സംവിധാനമൊരുക്കിയതായി പൊതുജനാരോഗ്യ മന്ത്രാലയം അറിയിച്ചു. മുൻകൂട്ടി ബുക്ക്ചെയ്യാതെതന്നെ കുട്ടികൾക്ക് ഇവിടെയെത്തി റാപിഡ് പരിശോധന നടത്താം. അൽഖോർ, അൽ തുമാമ, അൽ വജ്ബ, അൽ ലിബൈബ്, അൽ വക്ര എന്നിവിടങ്ങളിലെ പി.എച്ച്.സി.സികളിലാണിത്. 25 റിയാലാണ് പരിശോധന ഫീസ്. രാവിലെ ഏഴു മുതൽ രാത്രി 10 വരെ കേന്ദ്രങ്ങൾ പ്രവർത്തിക്കും. ഫിഫ അറബ് കപ്പ് മത്സരങ്ങൾക്ക് എല്ലാ പ്രായവിഭാഗങ്ങളിലെയും കാണികൾക്ക് ഗാലറിയിലേക്ക് പ്രവേശനമുണ്ട്. 12 വയസ്സിനു മുകളിലുള്ളവർ കോവിഡ് വാക്സിൻ സ്വീകരിച്ചവരായിരിക്കണം. എന്നാൽ, 12നു താഴെയുള്ളവരെ ആൻറിജൻ പരിശോധനഫലത്തിൻെറ അടിസ്ഥാനത്തിൽ മാത്രമാണ് സ്റ്റേഡിയത്തിലേക്ക് പ്രവേശനം നൽകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.