രാജ്യാന്തര യോഗ ദിനാചരണത്തോടനുബന്ധിച്ച് ഖത്തർ ഇന്ത്യൻ എംബസി നേതൃത്വത്തിൽ അൽഖോറിലെ അല്‍ബയ്ത് സ്റ്റേഡിയം പാര്‍ക്, ഏഷ്യൻ ടൗൺ, ദുഖാൻ എന്നിവിടങ്ങളിൽ നടന്ന യോഗ പ്രദർശനത്തിൽനിന്ന്
ദോഹ: രാജ്യാന്തര യോഗ ദിനാചരണത്തിൽ ഇന്ത്യൻ എംബസിയുടെ നേതൃത്വത്തിൽ യോഗ പ്രദർശനവുമായി ഖത്തറിലെ ഇന്ത്യൻ സമൂഹവും. ഇന്ത്യന്‍ സ്പോര്‍ട്സ് സെൻററുമായി(ഐ.എസ്.സി) സഹകരിച്ച് രാജ്യത്തെ ആറ് കേന്ദ്രങ്ങളിലായി എംബസി നേതൃത്വത്തിൽ തിങ്കളാഴ്ച പുലർച്ച യോഗ പ്രദർശനം നടന്നപ്പോൾ, വിഡിയോ കോൺഫറൻസിങ് പ്ലാറ്റ്ഫോമായ 'സൂം' വഴി രാജ്യത്തിെൻറ വിവിധ ഭാഗങ്ങളിലുള്ളവരും ചേർന്നു.
മ്യൂസിയം ഓഫ് ഇസ്ലാമിക് ആർട്ട് (മിയ) പാര്‍ക് ദോഹ, അല്‍ബയ്ത് സ്റ്റേഡിയം പാര്‍ക് അല്‍ഖോര്‍, ദുഖാന്‍, ഏഷ്യന്‍ ടൗണ്‍, അല്‍വഖ്റ, സാന്‍ഡ്യൂണ്‍സ് ഉംസെയ്ദ് എന്നിവിടങ്ങളിൽ നടന്ന പ്രദർശനങ്ങളിൽ കോവിഡ് നിയന്ത്രണങ്ങൾ പാലിച്ച് നിരവധിപേർ പങ്കെടുത്തു. അംബാസഡർ ദീപക് മിത്തൽ 'മിയ'യിലെ ചടങ്ങിൽ പങ്കെടുത്തു.
യോഗ ദിനചര്യയാക്കുന്നത് മാനസികോല്ലാസത്തിനും ആരോഗ്യസംരക്ഷണത്തിനും ഗുണകരമാവുമെന്ന് അദ്ദേഹം പറഞ്ഞു. ഈ മാസാദ്യം മുതൽ വിദ്യാർഥികൾക്കും മുതിർന്നവർക്കുമായി എംബസി നേതൃത്വത്തിൽ വിവിധ യോഗ പരിപാടികൾ സംഘടിപ്പിച്ചിരുന്നു.
2014ലാണ് ഐക്യരാഷ്ട്രസഭ അന്താരാഷ്ട്ര യോഗ ദിനമായി ജൂൺ 21 പ്രഖ്യാപിച്ചത്. ഏഴാമത് യോഗ ദിനമായിരുന്നു ഇന്നലെ ലോകമെങ്ങുമായി ആചരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.