ദോഹ: ഖത്തര് ചാരിറ്റിയുടെ ആഭിമുഖ്യത്തില് ഫ്രണ്ട്സ് കള്ച്ചറല് സെൻറര് (എഫ്.സി.സി.)സംഘടിപ്പിക്കുന്ന ഏഷ്യന് സ്കൂള് ഫിയസ്റ്റയുടെ സ്വാഗത സംഘം ഓഫീസ് ഉദ്ഘാടനം ചെയ്തു. ചടങ്ങിൽ എഫ്.സി.സി. എക്സിക്യൂട്ടീവ് ഡയറക്ടര് ഹബീബ് റഹ്മാന് കിഴിശ്ശേരി അധ്യക്ഷത വഹിച്ചു. ബംഗ്ലാദേശ് കമ്യൂണിറ്റി പ്രതിനിധി ജുബൈര്, ഇന്തോനേഷ്യൻ പ്രതിനിധി വര്ക്കോ, ഫിലിപ്പൈന്സ് കമ്യൂണിറ്റി പ്രതിനിധികളായ ജാഫര്, കഹറുദ്ദീന്, ശ്രീലങ്കന് കമ്യൂണിറ്റി പ്രതിനിധികളായ റിസ്വാന്, മുനാഫര്, ഉറുദു കമ്യൂണിറ്റി പ്രതിനിധി സയീദ് എന്നിവര് സംയുക്തമായാണ് ഓഫീസ് ഉദ്ഘാടനം ചെയ്തത്. ഏഷ്യന് ഫിയസ്റ്റ പ്രോഗ്രാം കണ്വീനര് ഹരിദാസന്, അസിസ്റ്റൻറ് കണ്വീനര് ജസീ അബ്ദുല് ജബ്ബാര്, മീഡിയ കണ്വീനര് ശംസുദ്ദീന്, എക്സിക്യൂട്ടീവ് അംഗങ്ങളായ മുഹമ്മദ് സലീം, റഫീഖ് മേച്ചേരി എന്നിവര് പനേതൃത്വം നല്കി. നാല് ദിവസം നീളുന്ന ഏഷ്യന് സ്കൂള് ഫിയസ്റ്റയില് ഇന്ത്യ, പാകിസ്താന്, ഫിലിപ്പൈന്സ്, ഇന്തോനേഷ്യ, നേപ്പാള്, ശ്രീലങ്ക, ബംഗ്ലാദേശ് കമ്യൂണിറ്റികളില് നിന്നുള്ള സ്കൂള് വിദ്യാര്ഥികള്ക്ക് പങ്കെടുക്കാം. ഒക്ടോബര് 25 ന് ആരംഭിക്കുന്ന മേളയില് 27 ഇനങ്ങളിലായി ഖത്തറിലെ മുപ്പതോളം സ്കൂളുകള് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.