ഐഷ ബിൻത് ഹമദ് അൽ അതിയ്യ ആശുപത്രി ഉദ്ഘാടനം പിതാവ് അമീർ ശൈഖ് ഹമദ് ബിൻ
ഖലീഫ ആൽഥാനി നിർവഹിക്കുന്നു
ദോഹ: ഖത്തറിെൻറ വടക്കുഭാഗത്ത് തെൻബക് മേഖലയിൽ ഹമദ് മെഡിക്കൽ കോർപറേഷനു കീഴിൽ സ്ഥാപിച്ച ഐഷ ബിൻത് ഹമദ് അൽ അതിയ്യ ആശുപത്രിയുടെ ഉദ്ഘാടനം പിതാവ് അമീർ ശൈഖ് ഹമദ് ബിൻ ഖലീഫ ആൽഥാനി നിർവഹിച്ചു.
ഉദ്ഘാടനത്തിനുശേഷം, ആതുര സേവനമേഖലയിലെ പുത്തൻ സാങ്കേതിക ഉപകരണങ്ങളും അത്യാധുനിക സംവിധാനങ്ങളും സജ്ജീകരിച്ച ആശുപത്രിയിൽ പിതാവ് അമീറും സംഘവും പര്യടനം നടത്തുകയും സൗകര്യങ്ങൾ വിലയിരുത്തുകയും ചെയ്തു.
ആശുപത്രിയിലെ വിവിധ സൗകര്യങ്ങൾ സംബന്ധിച്ചും പ്രത്യേക ചികിത്സാ സേവനങ്ങളുമായി ബന്ധപ്പെട്ടും പൊതുജനാരോഗ്യ മന്ത്രി ഡോ. ഹനാൻ മുഹമ്മദ് അൽ കുവാരിയും മുതിർന്ന ഉദ്യോഗസ്ഥരും നടത്തിയ ചർച്ചകൾ അദ്ദേഹം കേൾക്കുകയും ചെയ്തു.
ശൂറാ കൗൺസിൽ സ്പീക്കർ ഹസൻ ബിൻ അബ്ദുല്ല അൽ ഗാനിം, ശൈഖുമാർ, മുതിർന്ന വ്യക്തിത്വങ്ങൾ, ഹമദ് മെഡിക്കൽ കോർപറേഷൻ അധികൃതർ തുടങ്ങിയവർ ഉദ്ഘാടന ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.