ദോഹ: ഇന്ത്യന് ബിസിനസ് ആന്റ് പ്രൊഫഷണല് നെറ്റ്വര്ക്കിന്െറ (ഐ.ബി.പി.എന്) നേതൃത്വത്തില് 2017 മാര്ച്ച് 17 മുതല് നാല് ദിവസം ‘ഇന്ത്യാനാ’ എക്സിബിഷന് സംഘടിപ്പിക്കും. ഇന്ത്യന് അംബാസഡര് പി കുമരന് വാര്ത്താ സമ്മേളനത്തിലാണ് ഇക്കാര്യം അറിയിച്ചത്.
ഇന്ത്യയില് നിന്നുള്ള നിര്മാതാക്കളുടേയും ഉത്പന്നങ്ങളുടേയും മികച്ച പ്രദര്ശനമായിരിക്കും ‘ഇന്ത്യാന’യിലുണ്ടാവുക.
ഖത്തറിലെ ബിസിനസ് രംഗത്തുള്ളവര്ക്ക് മികച്ച ഇന്ത്യന് ഉത്പന്നങ്ങള് പരിചയപ്പെടാനും അവ തങ്ങളുടെ ബിസിനസുമായി ചേര്ത്തുവെക്കാനും ലഭിക്കുന്ന മികച്ച അവസരമായിരിക്കും ഇന്ത്യാന.
ഖത്തറും ഇന്ത്യയും തമ്മിലുള്ള പുതിയ ബിസിനസ് ബന്ധങ്ങള്ക്കുള്ള തുടക്കമായിരിക്കും ഇന്ത്യാനാ എക്സിബിഷനെന്ന് ഇന്ത്യന് അംബാസഡര് പി കുമരന് വാര്ത്താ സമ്മേളനത്തില് പറഞ്ഞു. ദോഹ എക്സിബിഷന് ആന്റ് കണ്വെന്ഷന് സെന്ററില് നടക്കുന്ന ഇന്ത്യാനാ എക്സിബിഷന് ഇന്ത്യന് എംബസിക്കു പുറമേ സ്ക്വയര് എക്സിബിഷന്സ് മാനേജ്മെന്റിന്േറയും ഖത്തര് ടൂറിസം അതോറിറ്റിയുടേയും സഹകരണത്തോടെയാണ് സംഘടിപ്പിക്കുന്നത്. ഫാബ്രിക്സ്, ഇലക്ട്രോണിക്സ്, ഫാഷന്, കല, ക്രാഫ്റ്റ്, സ്പൈസസ്, കണ്ടുപിടുത്തങ്ങള്, പ്രോപ്പര്ട്ടീസ്, എന്ജിനിയറിംഗ് ടെക്നോളജി തുടങ്ങി ഇന്ത്യയില് നിന്നുള്ള വിപുലമായ ഉത്പന്നങ്ങള് ഇന്ത്യാനയിലുണ്ടാവും. മുന്നൂറിലേറെ ഇന്ത്യന് ഉത്പാദകരും വാണിജ്യ വ്യവസായ കേന്ദ്രങ്ങളും ഇന്ത്യാനയില് പങ്കെടുക്കുമെന്നാണ് പ്രതീക്ഷിക്കുന്നത്.
ഐ.ബി.പി.എന് പ്രസിഡന്്റ് കെ എം വര്ഗ്ഗീസ്, സ്ക്വയര് എക്സിബിഷന്സ് മാനേജ്മെന്റ് സി ഒ ഒ ഹന എല് ഹുസൈനി, ഡപ്യൂട്ടി മാനേജര് ഒമര് അറാസ് എന്നിവരും വാര്ത്താ സമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.